Klajda Gjosha: Reforma ndoshta s'mund të mjaftojë për integrimin

Kemi dëgjuar më shumë se një herë Kryeministrin Edi Rama të thotë se pa miratimin e reformës në drejtësi nuk ka negociata me Bashkimin Europian. Por ministrja e Integrimit, e LSI, Klajda Gjosha deklaron se miratimi i paketës kushtetuese të Reformës në Drejtësi nuk është i mjaftueshëm që Shqipëria të marrë një rekomandim pozitiv për hapjen e negociatave të anëtarësimit.

Madje as ligji i “vetting”-ut i vetëm mund të mos mjaftojë.

“Mesazhi im është miratimi sa më i shpejtë i të 7 ligjeve, kuptohet në respekt të plotë të Kushtetutës së Shqipërisë”, thotë ministrja Gjosha në një intervistë për TCH.

Po përse koha është faktor vendimtar?

Në tetor, Komisioni Europian publikon raportin e progresit të Shqipërisë dhe, që të rekomandojë hapjen e negociatave të anëtarësimit, vendi duhet të ketë dhënë prova se po e zbaton Reformën në Drejtësi.

“Do të ishte shumë pozitive, që ne të miratojmë të 7 ligjet brenda gushtit, për arsye se Shqipëria do të raportojë për ecurinë pranë Komisionit Europian në shtator. Kështu që gushti do të jetë edhe muaji vendimtar për procesin e integrimit dhe për procesin e reformës”, vijon më tej Gjosha.

Që Shqipëria të nisë bisedimet për anëtarësim, duhet që për rekomandimin e komisionit të ketë një vendim politik në dhjetor.

Por a ka mundësi që kjo të ndodhë?

“Unë nuk mund të flas për dhjetorin, se dhjetori do t’u përkasë vendeve anëtare. Ministria e Integrimit është e lidhur ngushtë me procedurat dhe me procesin teknik të integrimit. Që do të thotë se lidhja ime shkon deri në Komisionin Europian për të marrë rekomandimin pozitiv për çeljen e negociatave”, deklaroi ministrja Klajda Gjosha.

Por që këtij procesi t’i hapet “drita jeshile”, duhet një vendim nga Shqipëria.

“Unë jam besimplotë se politika në Shqipëri do të tregojë sërish maturi për të kaluar me konsensus të 7 ligjet në një seancë të jashtëzakonshme. Ne jemi të gatshëm të lëmë pushimet dhe të kthehemi aty për të votuar 7 ligjet vendimtare dhe për t’i hapur rrugë zbatimit të reformës”, përfundoi Gjosha.

Ligj i ri për Prefektët pas Reformës Administrativo-Territoriale

16:00 Politika

"Drejtësia" , deputetja e PS: Ja ku gënjen Basha. Kush nuk beson të lexojë dhe në internet

14:14 Politika

Përplasja/ Spiropali: Konsensus patriotik nga frika prej përtej oqeanit. Nenkryetari i LRI i turret me akuza per vjedhje

14:06 Politika

Prapaskenat e misionit të fshehtë të Lulzim Bashës në Filadelfia

13:37 Politika

Gënjejnë SHBA e BE, apo Basha? "Vetting-u erdhi dy ditë më parë"

12:01 Politika

Verifikimi i pasurive dhe jashtë Shqipërisë, SHISH dhe DSIK hetojnë gjyqtarët e prokurorët

10:47 Politika

Pse gabon Romana Vllahutin

10:38 Politika

Fytyra e qeshur e Parlamentit

10:17 Politika

Deputetët e PD pro dhe kundër koalicionit me LSI-në

09:57 Politika

FOTOT/ Obama në krah të Clinton: Asnjë mur nuk mund ta ndalë endrrën amerikane!

09:59 Politika