Te fundit
Gjigandi i futbollit rus interesohet për Xhani De Biazin
6 Gusht 2016, 12:50Sport
TEMA
Ndërsa dukej se zërat për largimin e Xhani De Biazit ishin shuar përfundimisht, mediat ruse bëjnë të ditur se një klub shumë i njohur nga kampionati i këtij vendi është i gatshëm t’i besojë drejtimin trajnerit të Kombëtares shqiptare.
Menjëherë pas eliminimit të Spartakut të Moskës nga Europa League të enjten, përballë qipriotëve të AEK Larnaka, trajneri Dmitri Aleniçev u shkarkua nga posti i tij në pankinën e ekipit i cili kishte bërë investime të rëndësishme në merkato me shpresën për të ecur sa më shumë në Europë.
Skuadra i është besuar përkohësisht italianit Masimo Karrera, ish-ndihmësit të Antonio Kontes te Juventusi dhe Italia, por duket se klubi kërkon një trajner me emër për t’i dhënë drejtimin e ekipit në kampionatin që sapo ka filluar.
Sipas gazetës ruse “Sport-Express”, një nga kandidatët e mundshëm është edhe De Baizi. Ndonëse nuk specifikon nëse ka pasur apo do të ketë bisedime drejt palëve, ajo përfshin emrin e trajnerit të përfaqësueses shqiptare mes kandidatëve potencial për marrë drejtimin e këtij klubi, edhe pse thekson ai aktualisht është në drejtimin e kuqezinjve./ Panorama Sport
Lini një Përgjigje
Më të lexuarat
24 oret e fundit
Javen e fundit
Blog Tema
