Te fundit
Holanda vendos ekstradiminin e Arben Frrokut, do t’i rikthehet burgut në Shqipëri
13 Gusht 2016, 15:10Kronika
TEMA
Arratia e Arben Frrokut do të marrë fund pas pak ditësh, kur Ministri për Drejtësi dhe Siguri në Holandë të firmosë ekstradimin e tij drejt Shqipërisë.
I akuzuari si vrasës i Komisarit Dritan Lamaj do t’i rikthehet qelive në burgjet shqiptare, aty ku është dënuar të qëndrojë përjetësisht.
Trupi gjykues në Holandë rrëzoi pretendimet e vrasësit, i cili thoshte se në burgjet shqiptare i rrezikohej jeta.
Sipas vendimit, të siguruar nga Abcnews, gjykata e Amsterdamit pranoi kërkesën e drejtësisë shqiptare për ekstradimin e Arben Frrokut.
Dosja e plotë mberriti në Amsterdam 20 korrik të këtij viti. Ajo përmbante vendimin e formës së prerë të gjykatës shqiptare për dënim të përjetshëm.
Gjykata holandeze vlerësoi se Frroku nuk solli provat e mjaftueshme për të penguar ekstradimin e tij.
Gjyqtarët holandezë arsyetuan se Arben Frroku pranoi me dëshirë avokatin gjatë procesit në Shqipëri. Kjo do të thotë se ai ka pasur mundësi të mbrohet.
U hodh poshtë pretendimi i tij se i rrezikohej jeta nga gjakmarrja, duke i konsideruar burgjet shqiptare të sigurta.
Nga ana tjeterë avokati i të dënuarit pretendonte se provat mbi të cilat është dënuar Arben Frroku nuk qëndrojnë dhe filmimet e kamerave të sigurisë nuk ishin të qarta.
Sipas Frrokut vendimi për burgim të përjetshëm ishte i ndikuar politikisht dhe i korruptuar.
Mbi Arben Frrokun rëndon vendimi për burgim të përjetshëm. Fillimisht Gjykata e Krimeve të Rënda e shpalli të pafajshëm.
Trupi gjykues i përbërë nga Klodian Kurushi, Fran Prendi, Ardjan Mustafaj, Liljana Baku, me Kryetar Dritan Hallunaj i dhanë pafajsinë Frrokut dhe e nxorrën nga burgu.
Arben Frroku e shfytëzoi vendimin për t’u arratisur, por gjatë kohës që ishte i lirë u zhvilluan zgjedhjet lokale.
Në media u publikua një fotografi e Arben Frrokut në fushatë në Pukë. Denoncimi u bë ndërkohë që prokuroria kishte apeluar vendimin.
Vendimi i Apelit ndryshoi statusin e Arben Frrokut. Ai u shpall fajtor dhe u dënua me burgim të përjetshëm, por Frroku ishte larguar tashmë jashtë Shqipërisë.
Një vit më pas, në prill të vitit 2016, Arben Frroku u arrestua në aeroportin e Amsterdamit me dokumenta të falsifikuara.
Vrasësi i Dritan Lamajt lëvizte nën emrin Renato Tsepa. Rikthimi i tij në burgjet shqiptare nuk do të jetë i njëjtë. Në qelitë e burgjeve do të gjejë edhe vëllain e tij Mark Frrokun.
1 komente në “Holanda vendos ekstradiminin e Arben Frrokut, do t’i rikthehet burgut në Shqipëri”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Rrace e poshter kriminele. I bete parate me femra dhe vjedhje dhe si kurvat perfunduat, iriqi ne ferre se ne ferre. Aty ne burg te rrini si pederasta.