Te fundit
Rrëzohet një avion rus Mig29 në Mesdhe
14 Nëntor 2016, 19:51Bota
TEMA
Një avion luftarak rus u përplas në Mesdhe pak minuta pasi u ngrit në fluturim nga aeroplanmbajtësja Admirali Kuznetsov që gjendet pranë brigjeve të Sirisë.
Tre avionë Mig29 u ngritën nga aeroplanmbajtësja e epokës sovjetike dhe fluturuan në drejtim të Sirisë, por një prej tyre, u kthye pas dhe u përpoq të kthehej në bordin e saj.
Mediat raportojnë se avioni u detyrua të kthehej për shkak të një defekti teknik dhe u përplas në Mesdhe ndërsa piloti po përpiqej ta ulte në aeroplanmbajtëse.
Zyrtarë rusë raportuan se piloti u katapultua nga avioni në avari dhe pasi u shpëtua, u verifikua që nuk kishte asnjë dëmtim. Flota ruse i kërkoi të gjitha mjeteve lundruese në zonë që të qëndrojnë të paktën 5 milje detare larg vendit të rrëzimit, ndërsa kanë nisur hetimet për të zyrtarizuar shkakun e përplasjes.
Lajmi për rrëzimin e avionit rus vjen ndërsa Moska po përgatit bombardierët me rreze të gjatë veprimi Tu95 dhe Tu160 për sulmet e ardhshme në Siri.
Ekspertët thonë se humbja e një avioni luftarak, ndërsa nuk përbën asnjë problem material për Rusinë, është mjaft e sikletshme për debutimin e aeroplanmbajtëses së saj të vetme në luftën e Sirisë.
4 komente në “Rrëzohet një avion rus Mig29 në Mesdhe”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
” Nje avjon u PERPLAS ne mesdhe..” U PERPLAS ??? ( apo u rrezua) .. ?
Mbase i ka dale shtylla perpara dhe u perplas me shtyllen..
Shkoni mesoni shqip o gazetare…
Mire e the Bobi nuk i heq asnje presje. .
Gazetar “kristali” jane mos ua vër veshin. .
U rrezua pa ndjenja
Aeroplan me nafte bre lalke c’pret tjeter