Qeveria miraton kontratën e koncesionit 300 milionë euro të Rrugës së Kombit

Shqiptarët që do të kalojnë në këtë rrugë do të detyrohet të paguajnë 5 euro për kalim ndërsa buxheti i shtetit do t’i japë kompanisë menaxhuese edhe 65 milionë euro të tjera.

Nga Gjergj Erebara

Qeveria shqiptare miratoi kontratën e koncesionit të Rrugës Milot – Morinë, me konsorciumin e kompanive “CATALYST VIVA DAS GENERAL CONTRACTING, LLC – SALILLARI, SH.P.K – BEE TECH – VIOLIAP ATEVE – KASTRATI, SH.A”, një koncesion që pritet t’i kushtojë shqiptarëve mbi 300 milionë euro në 30 vitet e ardhëshme. Njoftimi i qeverisë u publikua në faqen zyrtare të Këshillit të Ministrave ndërsa kontrata nuk është publike.

Sipas dokumenteve të tenderit, kompania koncesionare premton të investojë për përfundimin e disa segmenteve të rrugës si dhe për mirëmbajtjen e saj në këmbim të një pagese vjetore për rreth 13 vjet prej 5 milionë eurosh në vit. Gjithashtu, trafiku aktual i rrugës prej 4,200 mjetesh në ditë pritet t’i japë kompanisë koncesionare prej mbi 6 milionë euro në vit ndërkohë që rritja e trafikut përgjatë dekadave të ardhshme pritet të japë të ardhura shtesë për kompaninë.

Kontrata koncesionare iu dha fillimisht një konsorciumi tjetër, por Komisioni i Prokurimit Publik vendosi shfuqizimin e vendimit të shpalljes fitues dhe nxori fitues konsorciumin aktual.

Vendimi për dhënien me koncesion dhe vendosjen e pagesës mbi autostradën Milot – Morinë ka shkaktuar disa protesta nga banorët e zonës së Kukësit, të cilët i frikësohen dyfishimit të kostos së udhëtimit drejt Tiranës.

Rruga Milot – Morinë nisi të ndërtohet në vitin 2007 pas një tenderi të shumëdebatuar. Kostoja totale e rrugës vlerësohet në mbi 1 miliardë euro, dy herë më shumë nga sa qe planifikuar fillimisht. Megjithëse janë shpenzuar mbi 1 miliardë euro, një pjesë e rrugës, veçanërisht një numër urash në segmentin Kukës – Morinë kanë mbetur të papërfunduara për shkak të mungesës së parave.

Ky është një nga shumë koncesione që qeveria aktuale ka miratuar dhe që përfshijnë pagesa të drejtpërdrejta nga buxheti i shtetit. Qeveria ka nënshkruar apo pritet të nënshkrojë kontratakoncesionare me vlerë 65. miliardë lekë. Bashkë me koncesionin e rrugës së Kombit, kostoja e këtyre koncesioneve mbi buxhetin e shtetit pritet të arrijë në mbi 73 miliardë lekë.

BE, 92.9 mln euro për Shqipërinë në vitin 2017

09:27 Ekonomia

Të ardhurat për frymë, “Eurostat”: Shqipëria, e dyta më e varfër në rajon

16:01 Ekonomia

Rendimenti fiskal, Rama përballë Berishës

19:34 Ekonomia

Analiza financiare/ Që të mbahen premtimet e PD, duhet një rritje ekonomike... 38%

16:24 Ekonomia

Ahmetaj reagon pas publikimit të INSTAT të "Anketes Tremujore te Forcave te Punes, T3-2016"

14:31 Ekonomia

Premtoi cmime të lira, kompania ajrore “Ernest” nuk duket gjëkundi

14:01 Ekonomia

Fundi i interesave të ulëta, lajm i mirë për depozituesit, i keq për kredimarrësit

11:08 Ekonomia

Arben Ahmetaj: Moody’s tregoi se jemi në drejtimin e duhur

20:01 Ekonomia

“The Banker” rivlerëson BKT për të shtatën herë, si banka më e mirë në Shqipëri

09:29 Ekonomia

Raporti i BB: Vetëm 10 % e familjeve shqiptarëve kursejnë për pleqërinë

10:18 Ekonomia