Te fundit
BE nis përzgjedhjen e prokurorëve për arrestimet “VIP”, trajnim me ekspertë belgë, kroatë e gjermanë
16 Dhjetor 2016, 09:27Politika
TEMA
Bashkimi Europian ka nisur përgatitjet për të ngritur Strukturën e Posaçme Antikorrupsion, e cila do luftojë korrupsionin në nivelet më të larta. Menjëherë pasi Komisioni i Venecias dha konfirmimin për ligjin e vetingut, tashmë ka nisur puna.
Teksa SHBA nga njëra anë është duke punuar për ngritjen e Byrosë Kombëtare të Hetimit, BE ka marrë në dorë Prokurorinë Speciale. Sipas burimeve, plani i ndërkombëtarëve është që fillimisht të ngrihet Byroja e Hetimit dhe Prokuroria Speciale, të cilat do nisin me hetimet dhe më pas të ngrihet Gjykata e Posaçme, pasi deri në vjeshtën e ardhshme do funksionojë Gjykata e Krimeve të Rënda.
Ditët e fundit, BE ka nisur të piketojë prokurorët që mund të kandidojnë për në Prokurorinë Speciale. Ajo do të ketë fillimisht 10 prokurorë dhe synimi është që të futen ata që janë sot te Krimet e Rënda. Dy ditë më parë, misioni EURALIUS dhe TAIEX (Organizatë e KE që asiston vendet që duan anëtarësim) kanë zhvilluar një sërë trajnimesh të një grupi prokurorësh të zgjedhur, sa i takon luftës ndaj korrupsionit dhe krimit të organizuar. Në takim janë ftuar individë, të cilët synohet që të futen dhe në SPAK shkruan SOT. Mësohet se aty ka pasur prokurorë nga Krimet e Rënda, Prokuroria e Përgjithshme, e Tiranës dhe disa prokurori të tjera. Interesant është fakti se me të dhënë rekomandimin pozitiv Komisioni i Venecias ka nisur puna për ngritjen e SPAK dhe përgatitjen e prokurorëve që do kryejnë arrestime “VIP”.
Trajnimet janë duke u kryer nga prokurorë të ardhur nga Gjermania, Belgjika, Kroacia dhe Rumania. Këto shtete kanë dhënë shembuj të luftës ndaj korrupsionit dhe ata u kanë dhënë eksperiencat e tyre prokurorëve shqiptarë. Teksa tani të gjithë janë në pritje të vetingut, duket se ka nisur numërimi mbrapsht për të korruptuarit. Pavarësisht tentativave për të sabotuar reformën, SHBA dhe BE nuk kanë ndërmend të tërhiqen dhe kjo është dukur qartë dhe në deklaratat publike të bëra ditët e fundit.
Sipas ligjit për korrupsionin, në SPAK do ketë një strukturë të posaçme që do merret vetëm me trajnimet. Çdo gjyqtar apo prokuror do i nënshtrohet trajnimeve të shpeshta. Shqipëria do ndjekë modelin kroat në shumë aspekte, teksa mësohet se ndihma e tyre do jetë kryesisht në dy aspekte: Në përgjime dhe në gjurmimin e parave të pista.
Sipas ekspertëve të fushës, në vendin tonë nuk ka shumë pajisje speciale për përgjime, teksa me ngritjen e Byrosë dhe Prokurorisë Speciale pritet që të vijnë pajisje, kjo falë ndihmës së FBI. Për këtë arsye do ketë trajnime të vazhdueshme. Sa u takon gjetjes së parave të pista, edhe aty do ketë një vëmendje. Mësohet se sapo të nisë zbatimi i reformës do të lidhen marrëveshje me një sërë organizmash ndërkombëtarë dhe falë ndihmës së tyre do të kontrollohen llogaritë dhe pronat e gjyqtarëve e zyrtarëve që i kanë jashtë vendit.
Me fillimin e vitit 2017 duket se do nisë të fryjë një erë e re në gjyqësor, pasi pritet që të nisin dhe arrestimet VIP. Edhe pse klasa politike po bën ç’është e mundur që të bllokojë zbatimin e reformës, shembulli rumun apo ai kroat janë të pashmangshëm. Edhe atje ka pasur shumë rezistencë, por më pas qindra zyrtarë kanë shkuar pas hekurave për afera nga më të ndryshmet.
8 komente në “BE nis përzgjedhjen e prokurorëve për arrestimet “VIP”, trajnim me ekspertë belgë, kroatë e gjermanë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Bravo ,nuk mund te mposhtin BE dhe Ameriken ,Berisha me maskarenjt e tij ,ata jane vetem ca bythemuter.
Shkelzen i malokut, jepi lamtumiren Armines edhe punoje edhe ca kohe se vetem ne enderra do ta shohesh. Do te zere haku i femijeve te Gerdecit.
Mezi e pres ate dite te Berisha me gjithe familje e kriminelet e tjere te gjykohen para popullit per cfare kane bere. Jam komplet dakort me ty laluc Aureli.
Suksese të mëtejshme për ngritjen dhe forcimin e sistemit të drejtësisë dhe shtetit
po mor po!
ja do shifni kur t ja hudhin t gjith peshkaqenet kriminela t mdhenj,sepse jan “eshkaqen blu” dhe do kemi “munges provash” apo “arsye procedurjale” ,ka kalu koha dhe i ka ik aktualiteti…
po te denohen kriminelat dhe te mos ket krim atehere do rikthehet komunizmi i enver hoxhes. po,a e do perendimi ate?!
jo mor jo! nuk e do!
sepse pa krim s do kishim as hollivud,sepse s do kishte tema filmash hollivudse.
prandaj do kemi qe do denohen vetem kriminelet qe nuk futen nen sqetullat euroatllantike “sepse kan dal nga binaret” ,kurse kriminelet qe njohin ombrellen perendimore do mbeten te paprek si minj kanalesh te mbrojt nga erresira.
haa haa !!
dhe debilat shqiptare,pasardhes te komunizmit ,te molepsur me ndershmeri,presin drejtesi.
kriminelat shtojn pare e pasuri
kurse fakir debilat shqiptare presin nga bota drejtesi!!
Kete refren ka kohe qe e degjojme, por gje konkrete ende nuk ka! Dhe sa do pritet, apo deri ne kalendat greke?
Reforma ne drejtesiiii?
Droga e rradhes qe u injektohet shqiptareve pas 25 vjetesh,mbas droges se permbysjes se komunizmit “liri demokraci”.
Efekti saj edhe 25 vjet te tjera.
Saliu eshte duke korruptuar tani me vrap sa ne gjermani e kroaci vendimarresit. Shko Sali vrapo shpejt te gjesh nja 10 debila te rinj t i vesh ne krye te prokurorise speciale.
Me leket e popullit dhe femijeve te vrare kerkon te mbrohesh. Thone qe je edhe me prirje hyjnore. A i degjon te qarat e femijeve qe ke vrare aty ne boten tende mistike?
Hijet e ketyre femijeve kane per t ua bere gropen o faqezi legen shurre.