Te fundit
Vritet në Itali autori i sulmit terrorist në Berlin
23 Dhjetor 2016, 11:03Bota
TEMA
I dyshuari për sulmin në Berlin, Anis Amri, është vrarë në Milano.
Kjo bëhet me dije nga agjencia italiane e lajmeve Ansa.
Sipas këtij burimi, 24-vjeçari nga Tunizia, Anis Amri është vrarë nga policia gjatë shkëmbimit të të shtënave me armë zjarri.
Në njoftimet e para thuhet se Anis Amri është identifikuar gjatë një kontrolli të rregullt të policisë.
Ai ka qëlluar i pari në drejtim të policisë me armë zjarri, por nuk ka të dhëna për pasoja të tjera në njerëz.
Anis Amri ishte duke shkuar në këmbë kur policia ka kërkuar të identifikohet.
Në vend të dokumenteve, ai ka nxerrë armët dhe ka qëlluar.
Autoritetet gjermane thonë se menjëherë kanë kontaktuar autoritetet italiane dhe janë në fazën e shpjegimit të ngjarjes.
Ministria e Brendshme italiane ka bërë të ditur se së shpejti do të mbajë një konferencë për shtyp.
Autoritetet gjermane dyshojnë Anis Amrin për sulm në Berlin ku janë vrarë të paktën 12 persona dhe janë plagosur rreth 50. Në kamion janë gjetur dokumente me emrin e tij si dhe gjurmët e gishtërinjëve.
Lini një Përgjigje
Më të lexuarat
24 oret e fundit
Javen e fundit
Blog Tema
