Te fundit
Astrit Patozi kujton 26-vjetorin e “RD”-së: Kur të nderojnë edhe ata që nuk të duan
4 Janar 2017, 18:44Blog
TEMA
Nga Astrit Patozi
(Në vend të një urimi për 26-vjetorin e gazetës RD)
Ka shumë njerëz në Shqipëri, që jo vetëm nuk e lexojnë, por as që duan të përmendet fare emri i RD-së. Arsyet, përgjithësisht, nuk janë profesionale dhe nuk kanë të bëjnë pothuajse hic me nivelin e gazetës. Ato janë qartësisht politike.
Duke e identifikuar me Partinë Demokratike, kundërshtarët e saj e kanë shumë të lehtë ta përjashtojnë dhe refuzojnë, por, për fat më mirë, jo ta nxjerrin nga qarkullimi. Dhe kjo, sipas meje, është një taksë që nuk ka pse ta bëjë të ndjehet keq gazetën, e cila me daljen e saj të parë më 5 janar 1991, shënoi njëkohësisht edhe lindjen e shtypit të lirë në Shqipëri.
Mendoj se kjo para së gjithash është një mënyrë nderimi ndaj një date të shënuar, sepse RD-ja, pavarësisht historisë së saj të gjatë dhe plot zigzake, u krijua si një nevojë e fortë e shoqërisë shqiptare që e vërteta të mos ishte ekskluzivitet i një pale. Dhe pavarësisht debatit që mund të hajë, sot mund të pranohet pa shumë mëdyshje, se të paktën ai qëllim është arritur.
Megjithë sulmet e egra nga qielli, nga ajri dhe nga toka, qeveritë e kanë pasur deri tani të pamundur t’i burgosin mendimin dhe idetë e kundërta. Sado të jetë tkurrur prej goditjeve të forta hapësira e lirisë, është gjendur gjithmonë një oaz apo një dritare, ku e vërteta, jo vetëm të thuhet, por edhe të shpërthejë.
Betejat e dështuara të kryeministrit me shtypin, që nga dita kur erdhi në pushtet, dhe sidomos lufta frontale e tij me portalet e “kazanit” tregojnë se këhëra të vështira kanë ardhur për ata që kanë zgjedhur të përcjellin zërin e opozitës. Jo thjesht të Partisë Demokratike, atë të gjithkujt që është i revoltuar dhe nuk e pranon këtë qeveri. Por është jashtë cdo dyshimi, gjithashtu, se mbijetesa e lirisë së shtypit dhe triumfi i saj është i garantuar.
Ndaj mendoj se në gjithë këto vite tranzicioni të vështirë më cdo 5 janar “Rilindja Demokratike” vlerësohet dhe respektohet edhe nga ata që nuk e duan. Dhe kjo do të vazhdojë të bëhet pafundësisht, aq kohë sa të ekzistojë arsyeja pse RD u themelua, nevoja për të pranuar dhe dëgjuar kundërshtarin.
Për shkak se kalova një kohë shumë me të, unë natyrisht kam shumë arsye për të qenë nostalgjik ndaj gazetës, sic jam tërësisht i vetëdijshëm për kufizimet e mëdha të saj, që lidhen kryesisht me statusin e vet të korracuar. Por edhe me sëmundje apo vështirësi të tjera, që ka kaluar dhe po kalon në përgjithësi shtypi shqiptar i këtyre viteve.
Eshtë e kotë dhe patetike t’i kërkohet një gazete partiake të ketë mbi supe përgjegjësinë dhe lavdinë e 26 vjetëve të shkuara, në kohën, që për shkak të avancimit të teknologjisë, sot ndjehen të kërcënuar edhe gjigandët botërorë të informimit si “New York Times” apo “Le Monde”. Por kur qeveria e ngushton lakun për shprehjen e të vërtetës, duhet respektuar dyfish cdo platformë mediatike dhe cdo idivid, që merr përsipër të sakrifikojë, sado modest qoftë ajo ose ai.
Askush nuk mund të thotë sot se edhe sa do të vazhdojë historia e Rilindjes Demokratike, pasi jo thjesht e ardhmja e shtypit partiak nuk është më një opsion, por sot duket e zymtë edhe vetë perspektiva e shtypit të shkruar kudo në botë. Mund të shkojë edhe dy vjet, ndoshta edhe më tepër, por mund të jetojë edhe shumë më gjatë, kjo nuk ka shumë rëndësi.
E rëndësishme është që, sado kohë të kalojë, dhe cilido qoftë fati i gazetave në botë, ajo do të kujtohet gjithmonë si dita e parë e lirisë për të thënë të vërtetën në Shqipëri. Dhe ne që e kemi zakon të ndahemi për shumë data, të paktën për 5 janarin do të biem përherë të gjithë dakord. Si ne që e duam, por po ashtu edhe ata që nuk e pranojnë fare gazetën “Rilindja Demokratike.”
7 komente në “Astrit Patozi kujton 26-vjetorin e “RD”-së: Kur të nderojnë edhe ata që nuk të duan”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
or Patoz……
Sinqerisht nuk e lexova se cfare perrallash kishe ndermend te thoje dhe cfare shkrove realisht…
Por po ta them TROC…….
Shume leke kam harxhuar per gjoja lirine qe prisnim te na sillte PD-RD.
Dhe perfundimi…..KRIM,VRASJE, VJEDHJE, MASHTRIM,HARBUTERI, PROSTITUCION,DROGE,PERCMIM,…..
Keto jane dhuratat qe na kane sjelle politikanet tane per 26 vjet….
Je edhe ti pjese e kastes shkateruese te ketij KOMBI!….
Nga c’do kendveshtrim qe te gjykosh, je shum antipatik more Tapoz!
Z.Patozi, prsh!
Ne fakt une e shoh shkrimin tend korrekt, ku sigurisht ti ke kontribut dhe normalisht nostalgjia duhet vleresuar.
Mirpo akuza qe i bene Rames, me duket e tepruar, pasi Zeri i Popullit ka vite qe nuk duket gjekundi!!! Edhe kete e ka luftuar zoti Rama! Ti dicka ke dashur te nenvizosh lidhur me te metat. Por besoj se mundet edhe pa emra te shihje dhe njihje ca gjera qe populli i diskuton ne ambiente te ndryshme. Ke te drejte kur flete per gazetat jo partiake, te cilat jane te lira te shkrujane apo komentojne e ndonjeher edhe te hen kobure kunder njerezve (kundershtreve te partise, dhe kjo ka ndodhur edhe me RD), por partite kane kauza thoni ju, e nje kauze e mire e mbane gjalle nje gazete. Mirpo te enjteve ne parlament ne shohim e degjojme vetem fyerje personale, ofendime shere ku Z. Berisha eshte championi me “qytetarin e rreme dixhital”. Ose ne fillimet e para drejtues, k/redaktor ishte F. C. Per kete zotni ka shume thashetheme ne popull, si njeri i vogel, meskin, intrigant, qe te ha prapa kraheve dhe perflitet “pak” si spiun sigurimi, e keto dite edhe si orakull dashakeq per Shqiperine ( ka gjetur ndonje shkrim, kopjuar dhe pershtatur! ) dhe ti te pakten pa emer mund te thoje se gazeta ka pasur edhe gazetar intrigant (te lindur) apo hipokrit si si ky qe permenda inicialet apo edhe Zotnia i 55 ( qe i ka qejf shume pacet!).
Pra z. Patozi, mund ta kishe mbrojtur ndryshe RD dhe ndoshta edhe PD. Nuk ja u ka fajin RAMA! I ju la SHQUPIN qe e moret me hile, duke thyer zemrat e ushtarakeve ! Nuk e di pse por… thuhet PD nuk ngjante mire perball sarajeve te reja te Fevzos & Berisha Co. Pa zgjatur mire bene qe mbron punene tende, por ajo nuk eshte e shkeputur edhe nga puna e piset e ca personave qe siperpermenda.
vertete antipatik mgjse ai vete beson te kunderten dhe kjo eshte fatkeqesia, nuk di sa i vlen lekura
Ishte nje shprehje ne Shqiperi ne kohen e Enverit : – “Q.. nenen te te thote Baba”! Edhe Berisha kete beri ! I poshteroi i rahu, i denigroi, me nje fjale u “beri nenat” dhe keta skllever i bejne temenara! Njerez te peshtire!
Shpurrra te urryera nga te dy palet.Dale nga mitra e qelbur e kucedres. E cuat popullin gjysme te marre rruget e botes, gjysme te flase me vete.Nuk behet vendi duke lumturuar 5-10% te popullsise.Jeni te zot ta beni, bejeni.( me rilindje te ngordhur apo me demokomunizem) Ndryshe fundi dihet.
Merre me qetesi xhulio, se qenke shume i ndezur. Asnjeri nuk do qe te besh ndonje infarkt. Jo per gje ,por budallenjte mezi i kemi se po behen nje specie ne shdukje.