Dosja e dytë, Berisha zhduku dokumentet e shitjes së OSSH

Rëndohen pozitat e ish-kryeministrit Sali Berisha dhe rrethit të tij politik në raport me privatizimin abuziv të Operatorit të Sistemit të Shpërndarjes (OSSH), privatizim i cili ka prodhuar një dëm financiar prej 414 milionë eurosh.

Komisioni hetimor për çështjen ‘CEZ”, përpos të tjerave, ka konstatuar se, një pjesë e rëndësishme e dokumentacionit të shitjes së 76 për qind të aksioneve të OSSH tek CEZ, është zhdukur para dorëzimit të pushtetit në shtator të 2013, me qëllim për të mbuluar gjurmët e abuzimeve.

Burime pranë komisionit hetimor thanë për Shqiptarja.com se, në operacionin e zhdukjes së dokumentacionit për procedurat e privatizimit të OSSH kanë marrë pjesë të gjitha institucionet e përfshira në procesin e privatizimit.

Por, nga hetimet e deritanishme, rezulton se, rolin kryesor e ka luajtur Kryeministria, me në krye ish-kryeministrin, Sali Berisha dhe Enti Rregullator i Energjisë. Në kuadër të verifikimit të zbatimit të legjislacionit në fuqi dhe mbrojtjes së interesit të shtetit shqiptar gjatë procedurave të privatizimit të OSSH, komisioni hetimor ka kërkuar informacion nga të gjitha institucionet e përfshira në proces.

Sipas burimeve, informacioni i dërguar nga institucionet në komision ka qenë i mangët, për shkak se ish-kryeministri dhe ish-ministrat e larguar nga pushteti në 2013, kanë zhdukur një pjesë të dokumentacioni, para se të braktisin zyrat. Më shumë se sa dokumentacioni i mbetur, janë dëshmitë ata të cilat po hedhin dritë mbi përmasat e skandalit të privatizimit të OSSH.

Dosja e dytë

Në vlerësimin e anëtarëve të komisionit hetimor, përfaqësues të Partisë Socialiste, zhdukja e dokumentacionit, sidomos nga stafi i ish-kryeministrit Sali Berisha, përbën vepër penale. Megjithatë, komisioni nuk ka marrë ende një vendim për të vënë në lëvizje Prokurorinë. Besimi tek kjo e fundit është minimal, për shkak se prokuroria sapo ka mbyllur dosjen për skandalin në fjalë. Gjithsesi, gjetjet e komisionit për çështjen e zhdukjes së dokumentacioni do të përmblidhen në një dosje më vete, e cila sipas gjasave mund të referohet tek organet e reja antikorrupsion.

Dokumentacioni i mbetur

Ministria e Energjetikës dhe Kryeministria kanë vënë në dispozicion të komisionit hetimor çdo dokumentacion të nevojshëm, i cili ka mbetur nga operacioni i pastrimit të dokumenteve nga qeveria paraardhëse. Kështu, Ministria e Energjisë, Ministria së Ekonomisë dhe Enti Rregullator i Energjisë kanë vënë në dispozicion të komisionit mbi 50 dokumente, të cilat hedhin deri diku dritë mbi prapaskenat e privatizimit. Po ashtu, Kryeministria ka vënë në dispozicion të komisionit hetimor procesverbalet e mbledhjeve të qeverisë, kur janë miratuar vendime dhe kur është diskutuar mbi shitjen e OSSH tek CEZ.

Miku i Shkëlzenit: 7 milionë eurot që fitova nga CEZ, janë të ligjshme. Pagova edhe taksa për to. I tërhoqa me thasë brenda ditës, për t’i investuar

09:16 Politika

"Photo of the day"/ Rama tregon se çfarë i tha këtij punëtori

20:13 Politika

Beteja e familjarëve të “21 Janarit”: Kemi prova të reja, por nuk na dëgjon kush. Na vranë dhe tani na kërcënojnë, presim Ramën të mbajë premtimin

19:47 Politika

Falë zotit profesor, “heroi” yt nuk është… i joni!

19:26 Politika

Inaugurimi i Trump: Kush e përfaqëson Partinë Socialiste

18:23 Politika

Pas dyerve të mbyllura/ Skenari i Bashës për të mos hyrë në zgjedhje, nesër aleatët e PD takim me Vlahutin. Pritet dhe një takim i kreut të PD

18:11 Politika

VERIFIKIMI/ E-maili për takimin me Shkëlzenin, provohet nga axhenda e Berishës

17:10 Politika

Lufta shqiptare për presidentin e ardhshëm

15:59 Politika

FAKSIMILE/ Zbulohet lidhja e Shkëlzen Berishës me Nuel Kalaj. Drejtori çek: Takimin me “të birin” (Zenin) do ta bëjmë pas ardhjes së kryeministrit (Berishës)

15:27 Politika

Zgjedhjet, Basha kërkon të pamundurën e shpreson tek LSI: Kusht votimi elektronik, pro listave të hapura

14:41 Politika