Te fundit
Akuzohej për shpërdorim detyre, Apeli shpall të pafajshëm ish-Kreun e INUK Zyhdi Dajti
18 Janar 2017, 20:03Kronika
TEMA
Ish-Kreu i Inspektoriatit Ndërtimor Urbanistik Zyhdi Dajti është shpallur i pafajshëm nga ana e Gjykatës së Apelit në Tiranë. Ndaj tij rëndonin akuza për shpërdorim detyre.
Në seancën gjyqësore, të mbajtur ditën e sotme, gjykata vendosi të hedhë poshtë Prokurorinë e cila kërkonte 1 vit burg për Dajtin dhe ta lërë atë të lirë. Sipas gjykatës, fakti penal për çështjen e ngritur nga Dajtit nuk ekziston.
Dajti akuzohej se në cilësinë e kreut të Inspektoriatit Ndërtimor, ka prishur në Korrik të vitit 2014 një objekt dykatësh, pjesë e një kompleksi turistik në zonën e Golemit, i cili kishte dokumentacion të rregullt.
Sipas dosjes së Prokurorisë, vila ishte ndërtuar në vitin 1996, kishte leje ndërtimi e miratuar sipas planit rregullues të vendimit të KRRTRSH-së të vitit 1996 për ndërtimin e kompleksit të parë turistik në zonën Golemit.
Më herët, në Maj të vitit 2016, Dajti ishte shpallur i pafajshëm edhe nga Gjykata e Shkallës së Parë në Tiranë, vendim ky i apeluar nga ana e Prokurorisë në Gjykatën e Apelit.
1 komente në “Akuzohej për shpërdorim detyre, Apeli shpall të pafajshëm ish-Kreun e INUK Zyhdi Dajti”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ky eshte legen burre.ka prishur ndertime me leje me porosi te Edi Rames.
nuk ka drejtesi ne kete vend.per demet qe ka shkaktuar ky do ishte denuar e do ishte ne burg tani