Te fundit
Artan Fuga i kthehet sërish Shaban Muratit: Je limon i shtrydhur. Ja çfarë marrëdhëniesh kam unë me nipin tim Endri Fuga
8 Mars 2017, 18:22Politika
TEMA
Nga Artan Fuga
Një farë Shaban Murati nga muri i facebookut të tij ka hedhur delirin se meqë unë jam kritik i qeverisë dhe jam dakord me kauzën e opozitës për zgjedhje të lira, ndërsa nipi im, Endri Fuga, punon pranë qeverisë, kjo provon sipas tij se në këtë rast kemi Katovicën e zbatuar në Shqipëri.
Dy pjestarë të një trungu familjar ndarë në dy kampe të ndryshme!!!
Se unë dhe nipi im, si edhe babai i tij, vëllai im, sipas Shabës, jemi prova e tenderave dhe parave që qarkullojnë mes pozitës dhe opozitës, dhe që e kanë burimin te lidhjet e vjetra që dalin nga ish blloku.
Unë nuk kam kohë të merrem me këtë Shabanin, por përfitoj që të sqaroj njëherë mirë publikun për raportet e mia me nipin tim dhe pozicionin tim.
Për më shumë sqaroj edhe ndonjë paçavure pranë qeverisë që kërkon që nga pleshti i Shabanit, ose miza nën kësulë që ai dhe disa të tjerë mbajnë prej dekadash, (do ta rrëfej një herë tjetër) të bëjnë një mal dhe nga andej të hedhin popla ndaj meje dhe qendrimeve të mia prej qytetari dhe akademiku të pavarur.
Po e kam thënë, nuk dëgjoj fare nga ai vesh unë!
E para, a jam unë një qarkullues parash, dhe cila është lidhja ime me paranë, apo me përfitimin nga ndonjë karrierë?
Biznes? Zero.
Poste partiake? Zero.
Poste shtetrore? Zero.
Parà të ardhura nga veprimtaria ime e sotme e dëndur në media? Zero!
Para nga opozita e sotme? Zero.
Mjet qarkullimi rrugor: Motocikletë Vespa e viteve 83, pra 35 vjeçare? Copë një.
E di Shabani që familja ime nga nëna dhe babai kanë qenë pasanike dhe nuk kam përfituar asnjë lek deri tani nga pronat rurale që ata kanë pasur?
E di Shabani që shteti shqiptar më detyrohet miliona e qindra miliona lekë dhe nuk kemi marrë asgjë nga ato prona. Zero lekë.
Privatizim ndërmarrjesh me bono thesari ose lekë në dorë? Zero.
Libra dhe artikuj shkencorë të botuar brenda dhe jashtë vendit? Pa fund!
Kjo paska qenë Katovica e komunistëve që e zbatuar te unë dhe familja jonë e përbashkët e Fugajve të mos kem as privatizime, as kthim pasurish, as biznese, as poste, as pushtet?
Paskan qenë idiotë poqese e paskan menduar kështu.
Po Shaban Murati a del i Katovicës apo i kako-vicës nëse aplikon te vetja ai kriteret e tij të kalimit nga regjimi i së vjetres te i riu?
Shabani, veç detyrash të tjera që nuk po i them këtë herë, ka qenë edhe shefi i redaksisë të informacionit të jashtëm të gazetës Zeri i Popullit, organi i Komitetit Qendror i Partisë.
Pas rënies të regjimit, Shabani nuk ra.
U bë ambasador i zotit Berisha, pastaj ministër fuqiplotë, e deri para pak kohe edhe këshilltar pranë i ministrit socialist Bushati.
E dinte ai se sipas gjykimeve të tija edhe Ditmir Bushati është edhe ai produkt i Katovicës? Poqese e dinte si bashkëpunonte Shabani me një katovician?
Tani ky Shabani me poste, parà nga aministrata, që i shërben të gjitha qeverive, që ngrihet në poste dhe në detyra nga diktatura në demokraci është ky i Katovicës, apo jo? Nëse pranojmë hipotezën e tij.
Apo jam unë pa poste, pa funksione, pa karrierë politike, pa biznese dhe me shtetin ende debitor ndaj meje?
Si thoni?
Tani edhe një sqarim për familjen time, i pari edhe i fundit në këtë rrafsh.
Shabani bën aluzione edhe për vëllain tim që ai punoka për kryeministrin.
Ai duhet ta dijë se edhe vëllai im biznese mesa di? Zero!
Poste partiake? Zero!
Poste në administratë? Zero.
Lekë shteti shqiptar borxh edhe atij? Miliona!
Madje ai i gjori nuk merret as me politikë e as me fejtone dhe kritikë sociale, i duken pacavure, ai teknicien i lartë ndërkombëtar, atje ku Shabanin do ta lidhnin poqese do të donte të hynte me forcë sepse ndryshe askush nuk do e pranonte, ai pra e sheh botën nga lart dhe nga larg i mbyllur në racionalitetin e tij. Dhe qesh!
Prej pesëmbëdhjetë vjetësh asnjë lidhje me shtetin shqiptar sepse ka qenë i integruar në struktura ndërkombëtare.
Katovica e Shabanit edhe ata!
Me pensionin që merr nga puna e tij mesa ndjej nuk ka nevojë as të shitet e as të blihet për ca lekë këshilltari!
O pikaaaaaa o Shaban! Ku ke rënë!
Kurse sa për nipin tim më ka thënë se ai punon pranë kabinetit të kryeministrit Rama. Ma kanë thënë të tjerë, sinqerisht, sepse me të kurrë nuk kemi folur as ai për punët e mia dhe as unë për punët e tij.
Deklaroj që kurrë nuk kemi folur. Ai pus për punët e veta, unë introverti për projektet e mia.
Familja është familje dhe nuk ka pacavure që e quan veten media që të thyejë dhe cënojë sadopak unitetin, dashurinë dhe solidaritetin e Fugajve që nuk janë edhe aq pak.
Por, si familje dhe jo sot, ne ndajmë lidhjen familjare aq të dashur mes nesh, nga bindjet politike ose angazhimet qytetare të secilit. Ndarje e prerë. Kjo është edukata, ky është edhe mësimi i hidhur që na ka lënë e shkuara jonë familjare.
Endrin unë e dua shumë fort si nip. Po ta shihja përshembull Shabanin që do ta prekte me dorë në rrugë, do ta gremisja tutje në mbrojtje të familjarit tim.
Por si duket për shumë e shumë gjëra në politikë dhe në shoqëri unë dhe Endri nuk ndajmë të njejtat bindje, opinione, qendrime.
E ku është problemi këtu?
Ai në punë të vet, në qeveri, dhe uroj ta kryejë me ndershmëri punën e tij, nuk e di fare se me çfarë merret, unë në punën time në kërkimin shkencor, në mësimdhënie, brenda dhe jashtë vendit, si edhe me një mendim kritik për shoqërinë shqiptare ndofta prej aq kohësh qëkurse nipi im ishte ende në kopësht.
Katovica pra është këtu thjesht një delir i Shabës, është një farë kakë-vice, një lloj vickle, në pelqëri, që në mos ja kanë yshtur ta bëjë për të zëvendësuar si teknikë manipulimi Cadrën me Fugën, e bën si inat ndaj ministrit Ditmir Bushati, që siç më informojnë nga rruga e paska hequr nga kabineti i tij ca muaj më parë.
Mirë e ka bërë! Cfarë këshillash mund t’i jepte Shabani i vjetër Ditmirit të ri!
Dhe Shaba në inat e sipër, tani që e paskan hedhur si limon i stërshtrydhur nga të gjitha pushtetet bërtet si dikur ai që hipte te Skënderbeu dhe thërriste: Poshtë imperializmi, Shabani thërret nga muri: Poshtë Katovica!
16 komente në “Artan Fuga i kthehet sërish Shaban Muratit: Je limon i shtrydhur. Ja çfarë marrëdhëniesh kam unë me nipin tim Endri Fuga”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Puna eshte o Artan i Fuges se ti legjitimon krimet e Saliut,per te tjerat eshte e drejta jote te besh cfare te doj kokra e qejfit.
Jeni i kenaqur nga aktiviteti i gjithashem i nipit tend Endri Fuga? kesaj pyetje nuk ju pergjigje xhaxhi Artani
Kjo nuk eshte pergjigje per zotin Murati, por per komentuesit e shumte qe e kane kuptuar qe Fuga ka pjerdhur por nuk e ndjen. Po ndalu o Artan, se kupton fare veten. Ke pjerdhur, eshte e mbaruar. ke pjerdhur, meri ere vetes.
Kur burri fillon e ben si buce histerike, ka probleme shume te thella…….
Ore po u kam thene nje here, une kete Fugen ne rini e kam pasur ne lagje, ka qene koqe kandari, e imagjinoni se si eshte bere tani ne pleqeri? Turp gazeta Tema qe i jepni hapesire debilave si Fuga.
Po ti spaske bere asgje e paske humbur kot.
Mire mo mire. Po me mesueset ç’pate dje mor xhahil. Pervers|
Mire mo mire. Po me mesueset ç’pate dje mor xhahil. Pervers|!
shume vetave qe jane vete quajtur profesore opinioniste nuk arijne ta kuptojne qe ata jane fatekeqesija e kesaj shoqerije e duhet te zhduken sa me pare pa i rene me qafe ketij populli me maskaralleqet e tyre
Po paske qene pasanik mo ne kihen e Dulles dhe njekohesisht i privilegjuar i sistemit?!!!
Sot je i persekutuar dhe i varfer dhe prape me sistemin??
Ka dicka qe nuk shkon o presor.
Po pse nuk merren njerezit me akademike te tjere serioze por merren me karafila si ty?
Shume mistere ne kete personazh. O bobo na u lodh koka.
Me kete qe pohon profesori Artan Fuga paska nje familje te pjerdhur dhe patjeter dhe vete eshte i tille. Pohon me gojen e tij s’e theme une. Si nuk flet ai me nipin e tij apo vellain? E po kur s’je per familjen tende, pirdhu nga shoqeri se nuk vlen.
Ore Artan fuga. Eshte e drejta jote te flasesh. Po a e di ti kush eshte lul basha dhe cader cpuarit. Vendos kokoren kur hipen te motori se da hash gjobe,dhe mos thuaj pastaj qe e ka fajin “Rilindja”.
Po ky filkozofi i Fugajve, pse nuk qendroi ne France po na erdhi ketu e na ben avokatin e pjerdhur te Berishes se dhier?
Te ka ikur bleta nga kosherja o Artan, kaqe gje nuk e kupton?
Megjithese cte kuptosh ti, ka thene ndonje i cmendur qe shikoni o njerez une jam i cmendur.
Plehra palo profesore. Si mund qe nje palo professor te beje thirrje per trazira dhe shkaterim te vendit. Palo profesori duhet ta dije mire se nqs do te kete nje tjeter ’97 nuk do te kete me peofesore e krimininele qe vetem nxisin popullin per trazira per te shpetuar vehten. Populli do te dije ti fshije nga faqja e dheut keto plehra.
Nuk jam dakort me Shabanin kur kerkon te ilustroje Katovicen me familjen tuaj z.Fuga.Jam plotesisht dakort edhe qe ju te keni opinionet tuaja.Por nuk mund te ri pa te thene se po beni nje gabim shume te rende duke dale ne mbrojtje te demagogjise kriminale te atyre qe e kane vrare,djegur,grabitur dhe shitur kete vend.Mua do te me vinte keq qe Ju vertet te ishit kaq”naiv”sa vertet te besonit tek “kauza”e atyre qe po ndjejne se u ka ardhur koha per te mbrojtur jo kauzat e popullit,por vehten para drejtesise se popullit per c’i kane bere.Mbrojtja e Kauzave te medha nuk mund te jene tashme objekt i politikaneve te llojit Berisha Basha.Pamvaresisht te veshur me petkun e opozites.Ndaj, si qytetar i pergjegjshem,ju bej thirrje ta rishikoni qendrimin Tuaj ne kete kohe shume kritike per vendin.
Qenkan mbledhur këtu të gjithë zagaret e Shaban Murat m. komunistit. Mero, pse i lë këto komente, është gazetë këtu e jo qenefi i Shabës….që derrmonte imperializmin amerikan me pordhë në Zërin e Popullit