INTERVISTA/ Eduard Kukan: Bojkoti i zgjedhjeve nuk është në të mirë të askujt, PD-së ia kemi bërë të qartë se...

Eurodeputeti Eduard Kukan u ka bërë thirrje forcave politike në Shqipëri që të arrijnë një marrëveshje politike për të organizuar zgjedhje të besueshme, të lira e të ndershme në vend.

Gjatë një interviste dhënë Arta Tozajt të RTSH, zoti Kukan tha se mbajtja e zgjedhjeve pa pjesëmarrjen e të gjitha partive politike, me abstenime, apo bojkote të partive opozitare, nuk është në të mirën e askujt në Shqipëri. “Do të jetë shumë keq për vendin, pavarësisht se kush i fiton ato zgjedhje, që të mbahen këto lloj zgjedhjesh, sepse do të ishte shumë shkatërruese për gjithë jetën politike në Shqipëri” tha ai.

Zoti Kukan, afati zyrtar i regjistrimit të subjekteve politike për të marrë pjesë në zgjedhjet e radhës parlamentare përfundoi, por mbetet mundësia e shtyrjes së këtij afati për t’u dhënë kohë shtesë subjekteve që duan të regjistrohen. A jeni ende në kontakt me përfaqësuesit e opozitës shqipëtare dhe cili është mesazhi juaj ndaj tyre?

E di se afati zyrtar ka përfunduar dhe me sa kuptoj ka ende mundësi për t’u regjistruar deri më 29 Prill. Ne u themi partnerëve tanë në Shqipëri se e vetmja mënyrë për të dalë politikisht tani në vend, është pjesëmarrja në zgjedhje, është marrëveshja politike e të gjithë aktorëve të rëndësishëm që ulen për t’u marrë vesh se si të organizojnë zgjedhje të besueshme, të lira e të ndershme. Kjo është ajo çfarë u themi dhe mbetet mesazhi im sot gjithashtu.

Zyrtarisht, a i mbështet PPE deklaratat dhe veprimet e PD?

Unë vetëm mund të përsëris se prej ca kohësh jepen mesazhet e njëjta, pavarësisht se kush i dërgon ato, përfshirë edhe përfaqësuesit politik në nivelin më të lartë, se nuk është rrugë bojkoti, apo moslejimi i mbajtjes së zgjedhjeve. Ne gjithmonë u themi se është e domosdoshme që ju të merrni pjesë dhe të dëshmoni se ju jeni të fortë politikisht në zgjedhje, në varësi të njerëzve që do të votojnë për ju. Kjo është ajo çfarë u themi, mbase nuk ka një qëndrim zyrtar të PPE-së, por këto mesazhe që japim janë të qëndrueshme dhe sistematike.

A do i quani këto zgjedhje legjitime, nëse nuk do të ketë asnjë parti opozitare të regjistruar edhe në përfundim të afatit shtesë?

Për të qenë shumë të qartë, mbajtja e zgjedhjeve pa pjesëmarrjen e të gjitha partive politike, me abstenime, apo bojkote të partive opozitare, nuk është në të mirën e askujt në Shqipëri, as për partitë qeverisëse, apo le të themi për fituesit e zgjedhjeve, as për ata që bojkotojnë zgjedhjet. Mendoj se ne kemi rregulla të qarta për vëzhgimin e zgjedhjeve dhe për këtë arsye, OSBE po dërgon vëzhguesit e saj dhe kjo do jetë e qartë. Por, e përsëris se do të jetë shumë keq për vendin, pavarësisht se kush i fiton ato zgjedhje, që të mbahen këto lloj zgjedhjesh, sepse do të ishte shumë shkatërruese për gjithë jetën politike në Shqipëri.

Si e vlerësoni qasjen e dy partive në pushtet? A keni ndonjë mesazh për ta, apo këshillë se si ata mund të trajtojnë kërkesat e opozitës?

Në këto rrethana, është shumë e vështirë të japësh receta se si të zgjidhet situata, pasi të gjithë e dimë se është shumë serioze, tepër e komplikuar. E vetmja pjesë këshillës sime me përulje do të ishte që të vijojnë të tentojnë për të zgjidhur gjërat politikisht, duke u takuar e duke biseduar, në kuptim të krijimit të kushteve për zgjedhje të lira e të ndershme dhe kjo është e vetmja gjë që mund të them në këtë kuaër.

Kur flasim për dialog, të dy palët pajtohen se janë të gatshëm, por dialogu nuk zhvillohet. Si dilet nga kjo?

Eduard Kukan: Dialogu, mendoj se është e vetmja mënyrë për të trajtuar situatën aktuale dhe duhet të ketë një dialog politik kuptimplotë nga të dyja palët. Kuptimplotë do të thotë një dialog, që trajton realitetin politik në vend për të gjetur zgjidhjen që do t’i ndihmonte vendit, sepse shumë gjëra priten nga këto zgjedhje në Shqipëri, të cilat do të kenë tepër ndikim për të ardhmen e vendit sa i takon integrimit europian, por këto gjëra i kemi përsëritur kaq shumë herë..

E vërtetë, po për sa i takon reformës në drejtësi?

Ju e dini se sa shumë energji investuan të gjithë në Bashkimin Europian për këtë çështje. Ne jemi të shumë të mërzitur që reforma e drejtësisë nuk është zbatuar dhe pa këtë gjë, për mendimin tim, do të jetë e vështirë të imagjinohet situata në të ardhmen në Shqipëri. Kështu që ne jemi të inatosur, jemi të zhgënjyer për moszbatimin e saj.

Në fund të ditës, duket sikur ne po shkojmë mbrapa e jo përpara në rrugën drejt BE-së. A mbani ju në BE ndonjë pjesë përgjegjësie, kur merreni me partnerët tuaj në Shqipëri?

Unë mendoj se BE vijon të merret seriozisht me Shqipërinë, si Parlamenti Europian dhe e gjithë BE. Ju jeni një vend partner, një vend kandidat dhe ne po presim për hapin e radhës që do të jepte datën për nisjen e bisedimeve të anëtarësimit. Por, kjo nuk duket shumë optimiste me situatën egzistuese, megjithëse egziston vullneti, pasi ne duam ta kemi Shqipërinë. Shqipëria është vend shumë i rëndësishëm në rajon dhe roli i saj me fqinjët, shihet me mjaft pozitivitet, pra, vendi luan rol pozitiv në rajon dhe dua të përsëris se shumë gjëra janë në rrezik. Dua të jap gjithashtu dhe një mesazh për njerëzit në Shqipëri që të jenë të urtë, të qetë, të ruajnë nervat për mirë, pasi në këtë situatë, gjithçka mund të ndodhë. Është një situatë tepër eksplozive/shpethyese. Shpresoj se njerëzit nuk do të keqpërdoren politikisht, për ndonjë lloj manipulimi nga politikanët, është me rëndësi kjo dhe nënkuptoj psh zgjedhjet lokale në Kavajë, më 7 Maj, që do të jetë dhe një test se si do të mbahen zgjedhjet e përgjithshme kur të vijë dita.

Si test edhe për bojkotin e opozitës, meqë nuk marrin pjesë as në zgjedhjet lokale të Kavajës..

Prandaj po e përmend, sepse ne do të shohim se si do të zhvillohen rrethanat, por në këtë kuptim, them se është shumë e rëndësishme për qytetarët shqipëtarë, që të jenë gjakftohtë, të rregulltë e të tregojnë se ata janë të përgjegjshëm për vendin e tyre, mbase më shumë se ca të tjerë atje.

VIDEO+FOTO/ Vlorë: Shkarkohet i besuari i Koço Kokëdhimës nga kreu i Qarkut. Sherr e kapje pre gryke, ndërhyn policia

14:41 Politika

Veliaj thumbon PD-në: Garat fitohen duke luajtur në datën dhe orën e caktuar

14:05 Politika

VIDEO/ Ditmir Bushati për "France 24": Shqipëria është gati për t’iu afruar më shumë BE-së

13:43 Politika

REPLIKAT/ “Vetëm kalimi në qeveri teknike shpëton Shqiperinë, vetting-u për lesh o xhaxi Edi”. Rama: Hiqe çadrën nga truri

13:22 Politika

Terrorizmi elektoral i Kavajës, strategjia antiligjore e Lulzim Bashës

13:07 Politika

Duka thirrje Metës: Largo ministrat nga qeveria. Rama kërkon të emërojë opozitën...

12:35 Politika

Vettingu/ Rama: Mund ta bllokojnë por s’mund ta pengojnë popullin të heqë qafe pengmarrësit e drejtësisë

12:18 Politika

Lulzim Basha: Rama më kërkon të takohemi si të dashur…

12:06 Politika

FOTOT/ Teuta Hoxha: Si u përjetua vdekja e Enver Hoxhës më 11 prill 1985

11:53 Politika

Ben Blushi shfaqet si antikomunist: Sot bien enverucët, halat, ngjalat…

11:20 Politika