Te fundit
Milionerët e vegjël. Rritet numri i shqiptarëve me mbi 2 mln lekë në vit
12 Maj 2017, 20:11Ekonomia
TEMA
Numri i individëve që kanë të ardhura vjetore mbi 15 mijë euro në vit u rrit me 18.3 për qind vitin e kaluar. Të dhënat bëhen publike nga administrata tatimore.
Ligji shqiptar detyron çdo person që realizon të ardhura mbi 2 milionë lekë ose 15 mijë euro në vit, të dorëzojë në Tatime deklaratën e të ardhurave vjetore.
Në këtë dokument, individi deklaron të ardhurat që ka fituar për gjithë vitin parardhës nga paga, qeratë e pronave, apo dividenti, pa përfshirë fitimin nga biznesi i vogël.
Sipas Tatimeve, në vitin 2015 pati vetëm 6.340 qytetarë, të cilët fituan më shumë se 2 milionë lekë të ardhura për gjithë vitin. Por vitin e kaluar lista u shtua dhe me 1.200 persona të tjerë, duke arritur në 7.500 vetë.
Të dhënat tregojnë se numri i personave të cilët fitojnë mbi 15 mijë euro në vit po rritet në mënyrë të qëndrueshme. Por sërish ai mbetet i ulët në raport me numrin total të të punësuarve, përkatësisht vetëm 1.2 për qind e tyre, pa përfshirë të punësuarit në sektorin bujqësor.
Sistemi tatimor në Shqipëri i takson në mënyrë progresive të ardhurat e individëve me tre shkallë të ndryshme tatimore, 0-13 dhe 23 për qind. Kjo rrit rrezikun për evazion, pra që shumë individë të mos deklarojnë të ardhurat reale.
Por rritja e vetëdeklarimeve tregon se qytetarët janë ndërgjegjësuar, ose ekonomia ka prodhuar më shumë milionerë sipas standardit shqiptar. (TCH)
3 komente në “Milionerët e vegjël. Rritet numri i shqiptarëve me mbi 2 mln lekë në vit”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Çfare Biznesi ka rritje ne Shqiperi me shume se Biznesi i Droges ?
Jane pasuruar nga shitjet e hashashit , me siguri. Mos na shisni perralla se gjasme po behemi vend I pasur!!!
Kujdes, po harrojne ndoshta qellimisht, te deklarojne te ardhurat personat qe punpjne neper projekte qe financohen nga parate qe vijne ne emer te shtetit shqiptar sidomos projektet e PNUD it. Te gjithe menexheret e projekteve marrin mbi 2600 usd. Shteti duhet tju mbaj taksa.