Te fundit
LSI prezanton programin elektoral, Vasili: 170 mijë vende të reja pune, më shumë se gjysma për të rinjtë
28 Maj 2017, 18:32Politika
TEMA
Lëvizja Socialiste për Integrim ka prezantuar sot para mbështetësve të saj programin elektoral për zgjedhjet e 25 qershorit.
Papunësia dhe ekonomia kanë qenë dy pikat e para të prekura nga kreu i LSI-së Petrit Vasili, si të lidhura zinxhir me njëra-tjetrën. Vasili deklaroi ambicien dhe premtimin për 170 mijë vende të reja pune, nga këto 100 mijë vetëm për të rinjtë.
“Ky plan rikthen optimizmin, i bën të rinjtë që të gjejnë arsye të mëdha për të gjetur të ardhmen këtu. Një premtim, 170 mijë vende të reja pune, 100 mijë vende të reja pune, të mirëpaguara janë menduar vetëm të rinjtë. Ky është një stimul ndaj mijëra të rinjve.
Këta 100 mijë vende të reja pune japin një përgjigje të menjëhershme duke e përgjysmuar brenda 4 viteve këtë problematikë. Nuk kemi një shifër përgjithësuese por të saktë se si do jetë e shpërndarë, në turizëm, bujqësi, infrastrukturë dhe shërbime të të gjitha formave”, deklaroi Vasili.
Ai tha se ky është një angazhim solemn ndaj të rinjve. “Programi orientohet në principin e përdorimit të potencialeve shumë të mëdha, bujqësia në njërën anë dhe turizmi në anën tjetër. Ne i japim përgjigje njëherë e përgjithmonë plagës së madhe të shoqërisë shqiptare”, theksoi Vasili.
4 komente në “LSI prezanton programin elektoral, Vasili: 170 mijë vende të reja pune, më shumë se gjysma për të rinjtë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
z vasili mos genje shqipetaret ,je bere si sali protopapa i pd.Ju presidentin , ju kryetarin e kuvendit,ju partia e familjes ne parlamente.Jemi ne demokraci,dhe jo ne diktatin e xhaxhi enverit.Sa per punsimin,nuk besoj se do nxirni te pa pune vagabondat qe ju mbeshtesin.
Hahahahahahaha!
Duhet sa me pare ta klonojme Vasilin dhe ta shperndajme neper bote te zgjidhi problemet e punesimit. LSI pasuri boterore, jo vetem e Skraparit!
Na duhen punetore nga jashte.