Te fundit
STATISTIKAT/ Euro zbret poshtë nivelit të 134 lekëve për herë të parë pas 9 vjetësh
5 Qershor 2017, 16:07Ekonomia
TEMA
Euro ka rënë nën nivelin e 134 lekëve, duke u këmbyer sot me 133.98 lekë sipas kursit zyrtar të Bankës së Shqipërisë, duke shënuar nivelin më të ulët prej shtatorit të 2009-ës.
Monedha vendase është forcuar edhe përkundrejt dollarit amerikan, duke këmbyer një dollar me 118.94.
Monedha e përbashkët është zhvlerësuar edhe në tregjet ndërkombëtare, por gjithsesi ka qenë në nivele më të larta të këmbimit krahasuar me muajt e parë të vitit.
Aktorët e tregut pohojnë se në tregun e brendshëm, faktorët që po ndikojnë me zhvlerësimin e euros është oferta e lartë për monedhë të përbashkët si dhe kërkesa e ulët për monedhën vendase.
Që prej gjysmës së dytë të vitit të kaluar, monedha e përbashkët ka qenë e dobët në tregun e brendshëm. Më shumë sesa reflektimi i tregjeve ndërkombëtare, aktorët e tregut kanë pohuar se dobësia e euros lidhet me faktorë të brendshëm, ku një ndër më kryesoret është oferta e shtuar në valutë.
Së fundmi, aktorët e tregut kanë pohuar se ka një rritje të shpenzimeve për fushatë, që po bëhen në valutë, një tjetër faktor që po e ndikon zhvlerësimin e euros.
Gjallërimi i eksporteve dhe shtimi i numrit të turistëve në vend, është një tjetër faktor që ka ndikuar në rritjen e ofertës në valutë. Në tre muajt e parë të vitit, numri i turistëve të huaj u rrit me gati 12%, sipas të dhënave të INSTAT. Kur afrohen datat e taksave ka një kërkesë për të blerë lekë dhe nga kompanitë, ku më kryesoret është gazsjellësi TAP.monitor.al
1 komente në “STATISTIKAT/ Euro zbret poshtë nivelit të 134 lekëve për herë të parë pas 9 vjetësh”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ndalesa tek 1200 Lekë,aq sa ka qëne nga 1990-2007.(Kjo do të ishte edhe një matës real i ekonomisë shqiptare).
Vetëm atëhere shpërbleni shqiptarët që i besuan kursimet e tyre në Lekë.
Ky duhet të ishte edhe nje premtim parazgjedhor,ankorimi i Lekut në bankinën e vet,aty ku meriton vërtet të jetë.