Te fundit
Kthesa e papritur në hetime: Ja kush bashkëpunoi me Shallarin për vrasjen e Artan Cukut dhe kush e porositi ekzekutimin
15 Qershor 2017, 11:53Kronika
TEMA
Dalin në dritë detaje të reja lidhur me ekzekutimin e ish- drejtorit të Policisë së Vlorës, Artan Cuku.
Burime për ABC News bëjnë me dije se vrasësi i dyshuar Mikel Shallari nuk ka qenë i vetëm gjatë kohës që ka qëlluar Cukun.
Burimet kanë thënë se Shallari ka qenë së bashku me kushëririn e tij, i cili është identifikuar dhe shpallur në kërkim nga policia.
Artan Cuku u ekzekutua në 8 prill 2017 në hyrje të pallatit të tij, në rrugën e “Kosovarëve” në Tiranë.
Hetimet për porositësit
Hetimet për vrasjen e Artan Cukut pritet të marrin një tjetër drejtim pas arrestimit të 24-vjeçarit Mikel Shallari.
Ndonëse i riu nuk ka pranuar deri tani të bashkëpunojë me drejtësinë, hetuesit janë përqendruar tek dy persona të arrestuar në Vlorë, në kohën kur drejtor policie ishte Artan Cuku.
Sipas Vizion Plus, mësohet se njëri prej tyre është nga Mbrostari i Fierit i arrestuar për llogari të një dosjeje të rihapur nga Artan Cuku në vitin 2012, ndërsa personi tjetër nga Vlora. Një ditë më parë, prokurori në kërkesën për gjykim ndaj te dyshuarit si ekzekutor Mikel Shallari, tha se vrasja po hetohet për gjakmarrje, por nuk la pa përmendur dhe punën e Cukut si drejtor policie, e cila vijon të jetë në hetim.
Këtu ekspertët po verifikojnë edhe një nga ngjarjet më të hershme në Vlorë, e cila e ka pikënisjen që në vitin 1997 e ka vijuar me krime të rënda mes bandave rivale deri në vitin 2012. Personazhet që akuzoheshin se ishin bërë shkak për një serial të përgjakshëm vrasjesh që filloi në Barcelonë të Spanjës, vazhdoi në Vlorë dhe përfundoi në Tiranë, u arrestuan por disa prej tyre janë liruar për mungesë provash.
Këtu hetuesit janë mbështetur te e njëjta dosje, të cilën rihapi ish-drejtori i policisë së Vlorës Artan Cuku. Në atë kohë në pranga ra një person i rrezikshëm e që dyshohej si vrasës me pagesë në zinxhirin e krimeve mes bandave, por që përfshirja e tij nuk u arrit te vërtetohej përmes provave.
Ndonëse deri më tani policia nuk ka bërë asnjë lidhje mes përplasjes mes bandave dhe ekzekutimit të Cukut, e vetmja pikë takimi është rihapja e dosjes dhe arrestimet e bëra nga ish-kreu i policisë së Vlorës.
Nga ana tjetër, në pikat kufitare janë dërguar edhe emrat e vëllezërve Daka, të cilët pritet të intervistohen nga hetuesit. Një masë e tillë është marre për t’i mos lejuar ata që të largohen jashtë vendit, ndonëse familja Daka në Shkodër pretendon se nuk ka lidhje me krimin dhe se hasmëria është mbyllur sipas zakoneve kanunore.
Dyshimet/ Policia ka emrin e porositësit të vrasjes së Artan Cukut, komisari i rihapi dosjen
Policia është duke zhvilluar hetime intensive për zbardhjen e ngjarjes ku mbeti i vrarë komisari Artan Cuku.
Për vrasjen e tij është akuzuar Mikel Shallari i cili u kap ditën e dielë në qytetin e Tiranës në shoqërinë e një personi tjetër.
Policia shprehet se Shallari nuk ka vepruar i vetëm, por është ndihmuar nga kushuriri i tij.
Gjithashtu, burime nga policia bëjnë me dije se blutë e kanë emrin e porositësit të vrasjes së Cukut.
Ai është një vrasës me pagesë nga Mbrostari i Fierit dhe dyshohet se ndodhet jashtë Shqipërisë.
Policia e ka shpallur në kërkim këtë person, dosjen e të cilit e rihapi Cuku kur u emëruar drejtor i Policisë në Vlorë.
Nga ana tjetër Shallari nuk e ka pranur akuzën për vrasjen e Cukut.
Lini një Përgjigje
Më të lexuarat
24 oret e fundit
Javen e fundit
Blog Tema
