Në ambjentet e Ministrisë së Infrastrukturës dhe Energjisë u mblodh sot Komisioni i dhënies me koncesion të procedurës me objekt “Përmirësimi, ndërtimi, operimi dhe mirëmbajtja e Rrugës së Arbrit”.

Nga shqyrtimi i sistemit elektronik, rezultoi se kishin shprehur interes 3 (tre) operatorë ekonomikë dhe konkretisht:

1) Operatori Ekonomik Adem Pojani

Nga shqyrtimi paraprak i sistemit, rezultoi se ky operator kishte paraqitur disa dokumenta, të cilat nuk rezultojnë të mjaftueshme për tu konsideruar ofertë zyrtare;

2) Operatori Ekonomik Shoqëria “Alb-Star”sh.p.k.

Nga shqyrtimi paraprak i sistemit, rezultoi se ky operator kishte paraqitur disa dokumente, por nuk u konstatuan të dhënat e ofertës financiare.

3) Operatori Ekonomik Shoqëria “Gjoka Konstruksion” sh.a;

Nga shqyrtimi paraprak i sistemit, rezultoi se ky operator kishte paraqitur dokumentacionin teknik, financiar dhe ligjor si dhe kishte paraqitur Propozim Financiar. Nga shqyrtimi paraprak i Propozimit Financiar rezultoi se Operatori Ekonomik Shoqëria “Gjoka Konstruksion” sh.a; kishte propozuar si vlerë projekti shumën prej 33,6 miliardë lekë, thuhet në njoftimin e ministrisë.

Në përputhje me përcaktimet ligjore, brenda afatit ligjor 60 ditor, komisioni do të kryejë shqyrtimin e plotë dhe të detajuar të ofertave të paraqitura dhe do të dalë me vendimmarrjen përkatës

2 komente në “Nis puna për Rrugën e Arbrit, tre kompani shfaqin interes për ndërtimin e saj”

nord.al says:

2 Tetor, 2017 14:58 te 2:58 pm

Tri kompani, o i…..

Përgjigjjuni
Jak Boston says:

2 Tetor, 2017 21:18 te 9:18 pm

Bejeni ate rruge qe te justifikoje emrin qe mban.
Arberia eshte zemra e Shqiperise. Ska Shqiperi pa Arberi ama Arberia ka ekzistuar para Shqiperise.
Arbereshet e Italise dhe Arvanitet ne Greqi jane deshmite reale te kesaj gjeje. A nuk qe arber Gjergj Kastrioti, Marin Barleti, Shen Nena Tereze ( Gonxhe Bojaxhiu ) e shume e shume te tjere???
Tre gjerat duhet te jene kriteret kryesore:
1- Perespektiva per te qene rruge Internationale, qofte edhe si devijim ne rast nevoje urgjente per rrugen e kombit per shkaqe te ndrysheme natyrore apo dhe emergjenca te drejtave te ndryshme.
2- Cilesia e punimeve.
3- Dem sa me te paket te mjedisit natyror dhe perkujdesje per gjerat antike, jo sic u veprua me vendin antik te quajtur Kisha e Brarit qe u zhduk cdo gje perfshire dhe varrezat e vjetra me gjithe artifaktet qe kane ekzistuar brenda tyre.
Uroj te nise sa me shpejt dhe te behet nje shembull i mire se si duhet te ndertohen rruget ne te ardhmen.

Përgjigjjuni