A po e heton SPAK projektin në Zvërnec i lidhur me Kushner? Struktura e Posaçme i përgjigjet interesimit të mediave amerikane: Asnjë hetim të hapur për këtë çështje

Gjatë kohës së protestave që nisën në kryeqytet që prej fillimit të muajit qershor për projektin në Zvërnec, një sërë mediash të huaja i janë drejtuar SPAK me kërkesa për informacion.

Në raportimin mujor të kërkesave për informacion të mediave, që gazetarja e Top Channel Anila Hoxha e disponon, rezulton se shumë media të huaja kanë kërkuar informacion për hetimet në Zvërnec. Mes tyre edhe nëse ka apo jo hetime ndaj Kushner.

Fox News: A mund të konfirmojë SPAK nëse po heton një projekt zhvillimi të lidhur me Jared Kushner, dhëndrin e Presidentit Donald Trump?

Në përgjigjen zyrtare kthyer kësaj media të huaj, SPAK deklaron se Struktura Kundër Krimit të Organizuar dhe Korrupsionit nuk ka hapur asnjë investigim ndaj projektit të Kushner, pa dashur të japë detaje të tjera.

SPAK: Në përgjigje të kërkesës suaj, Struktura Speciale Kundër Korrupsionit dhe Krimit të Organizuar (SPAK) nuk ka asnjë hetim të hapur në lidhje me ndonjë projekt të lidhur me z. Jared Kushner. SPAK ka filluar një hetim; megjithatë, ky hetim ka të bëjë me çështje që nuk lidhen me objektin e kërkesës suaj. Detajet e mëtejshme nuk mund të zbulohen për shkak të sekretit hetimor.

Në listën e mediave të huaja të interesuara për kërkesa për informacion janë edhe “NYT London”, CNN London, Anadolu Agency, MSNBC, CNN, CBS News London, The Times, RAI Tre dhe disa të tjera.

Disa prej tyre janë interesuar edhe për pronësinë e ishullit të Sazanit dhe qindra hektarëve në gjirin e Nartës, duke pyetur SPAK nëse po i investigon si çështje, ndërsa SPAK shprehet se nuk ka një investigim lidhur me zhvillim e një projekti në Sazan.

Ndërkohë SPAK sqaron se kanë nisur një hetim lidhur me vendime të marra që nga viti 2024 për ndryshimin e statusit të mbrojtjes së tokës, dhënien e statusit “Investitor Strategjik” ose lehtësimin në forma të tjera të ndërtimit të ri turistik në Ishullin e Sazanit, Bashkia Vlorë.

Autori i dyshuar i krimit në Roskovec kërkon kohë, policia vijon përpjekjet për ta bindur të dorëzohet

14:06 Kronika

Prindërit e Nertil Buzit zbardhin pretendimet e tyre për konfliktin: Shkak, një shumë parash nga Anglia

13:40 Kronika

Krimi i paralajmëruar/ Nga arrestimi për dhunë në familje, tek kërcënimet e vazhdueshme dhe pengmarrja disa vite më parë. Profili i Refik Buzit, autorit të ngjarjes së Roskovecit

12:50 Kronika 1 koment

Prona, llogari bankare dhe automjete luksoze: Konfiskohen 1.8 milionë euro pasuri në Fier

12:20 Kronika 1 koment

Si u shkarkua nga detyra ish-prokurori Tom Deda që të emërohej Prokuror Ols Dado

11:50 Kronika 3 komente

U mor peng nga ish-burri pasi i vrau të atin dhe i plagosi nënën, autori liron 24-vjeçaren

10:25 Kronika 1 koment

“Hajdeni se do t’ju vras të gjithëve” - Vrasja e 58-vjeçarit në Roskovec, flet vëllai i viktimës: Autori është arrestuar tri herë, dëgjuam një zhurmë brenda në shtëpi dhe…

10:00 Kronika

Krimi në Roskovec/ Kushëriri i viktimës: Autori ishte në arrest shtëpie, familja e vajzës e kishte denoncuar më parë

09:30 Kronika 1 koment

Vrau ish-vjehrrin dhe mori peng ish-bashkëshorten, publikohet fotografia e autorit

09:20 Kronika 6 komente

Dhuna gjatë protestës para Kuvendit, dy persona në pranga, 21 të tjerë nën hetim

09:00 Kronika 23 komente