Në një prononcim ekskluziv për CityNews, anëtari i kryesisë së PD, Genti Malko është shprehur se kryetari i kësaj partie, Lulzim Basha nuk ka pasur asnjë reagim pas dorëzimit të platformës për ringritjen e Partisë Demokratike.
Malko deklaroi se platforma e lëvizies për ringritjen e PD-së, nuk përfaqëson fraksion, ajo është përmbledhje e të gjitha qëndrimeve kritike të mbajtura pas zgjedhjeve të 25 qershorit.”
Gjithashtu Genti Malko shprehet se çdo veprim i Bashës tregon shpërfillje ndaj këtij fakti. “ Por të bësh sikur një problem nuk ekziston nuk do të thote se e ke zgjidhur ate”- thotë Malko.
Ndër të tjera, Malko thotë se “Ka një numer të jashtëzakonshëm demokratësh të cilët mbështësin platformën. Si shprehje e vullnetit më të mirë për të zgjidhur sfidat që kemi perpara, jemi ende në pritje. Por kjo s’mund të vazhdojë pa fund.”