Te fundit
Policia e Shtetit i përgjigjet Partisë Demokratike: Keqardhje për këtë sulm politik
6 Nëntor 2017, 17:01Kronika
TEMA
Policia e Shtetit i është përgjigjur sërish Partisë Demokratike lidhur me akuzat që kjo e fundit ka bërë për përfshirjen e uniformave blu në çështjen e shtetasit Orest Sota.
Nëpërmjet një njoftimi për mediat Policia deklaron se akuzat e PD janë politikë.
Njoftimi i plotë
Përsëri Partia Demokratike sot akuzoi për qëllimet e saj dhe pa asnjë bazë Policinë e Shtetit, lidhur me ndalimin e shtetasit Orest Sota nga policia.
Policia e Shtetit është e detyruar të shprehë përsëri keqardhjen për këtë sulm politik, duke nënvizuar se ka bërë detyrën konform ligjit e të gjitha procedurave të kërkuara nga ligji.
Kjo është lehtësisht e vërtetueshme, siç është e qartë që shtetasin e ndaloi dhe e çoi për procedim penal, Policia e Shtetit jo akuzuesit e saj.
Policia e Shtetit shpreh edhe njëherë keqardhjen për përsëritjen e përditshme të akuzave që s’kanë asnjë lidhje me të vërtetën dhe i bën thirrje Partisë Demokratike e të gjithë forcave politike, të mos bëjnë politikë duke përbaltur punën e uniformave blu.
Policia e Shtetit ka goditur dhe do të godasë pa asnjë diferencim, çdo shkelje dhe shkelës të ligjit, pavarësisht përfshirjes së qëllimshme që politika i bën asaj në axhenda të cilat nuk kanë të bëjnë asgjëkundi me misionin e me punën e policisë.
Policia e Shtetit pret mbështetjen dhe solidaritetin e opozitës në luftën kundër krimit, korrupsionit e shkeljeve të çdo lloji, jo luftën politike kundër saj kur ajo kryen detyrën për të cilën është krijuar e për të cilën paguhet nga taksat e popullit shqiptar.
1 komente në “Policia e Shtetit i përgjigjet Partisë Demokratike: Keqardhje për këtë sulm politik”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ata nuk jane opozite po jane nje bande kriminelesh qe po shohin se po ju vjen fundi dhe bertasin ujku ujku.