Te fundit
Nxehen "gjakrat", Koreja e Veriut kërcënon SHBA-në me hakmarrje
4 Dhjetor 2017, 10:54Bota
TEMA
Koreja e Veriut kërcënon SHBA-në dhe Korenë e Jugut me hakmarrje për shkak të një manovre të përbashkët detare.
Në prag të fillimit të manovrës së madhe vjetore detare mes SHBA-së dhe Koresë së Jugut Koreja e Veriut ashpërsoi sërish tonin dhe kërcënoi me masa hakmarrjeje. Komiteti koreanoverior për Bashkimin Paqësor të vendit i akuzoi të dyja vendet se me manovrën e tyre duan ta shkatërrojnë Korenë e Veriut.
Ministria e Jashtme e Koresë së Veriut kishte deklaruar më parë se “SHBA po e kërkon vetë luftën bërthamore” dhe se “me provokimet e tyre Koreja e Jugut dhe SHBA-ja do të shkaktojnë një valë hakmarrjeje dhe vetëshkatërrimin e tyre.”
Sipas të dhënave zyrtare në manovrën pesëditore «Vigilant Ace» do të marrin pjesë më tepër se 230 avionë ushtarakë si dhe 12 000 ushtarë. Qëllimi i manovrës është që të forcojë gatishmërinë e të dy vendeve aleate.
Në manovrën e zhvilluar vitin e kaluar morën pjesë 16 000 ushtarë dhe më tepër se 200 avionë.
Manovra zhvillohet vetëm pak ditë pasi Koreja e Veriut ndërmori një test të ri me një raketë ndërkontinentale, që u kritikua ashpër prej bashkësisë ndërkombëtare. Pas kësaj prove bërthamore Koreja e Veriut deklaroi se tani mund të sulmojë të gjithë territorin e SHBA-së.(DW)
1 komente në “Nxehen “gjakrat”, Koreja e Veriut kërcënon SHBA-në me hakmarrje”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Korea e Veriut na mori slloganin “fanar ndricus”per gjithe popujt e shtypur te botes nen c’frytezimin e eger te imperializmit me ne krye ate Amerikan ‘por qe me mesimet e pa vdeshme te marksit ,engelsit do ngrihen ne revolucion dhe do marin pushtetin ne dore,do vendosin diktaturen e proletariatit,por qe nuk ishte gje tjeter vecse nje pushtim me i eger ,me kriminal dhe bandit ,koha e vertetoj !