Te fundit
Dy dilemat për kryeprokurorin
11 Dhjetor 2017, 20:18Blog
TEMA
Nga Anri Bala
Mirë me Llallë… e mirë pa Llallë! A e dini pse? Sepse Llalla si frikacak, të kujton një shprehje famëkeqe, që përvëloi shpirtrat dhe boshatisi xhepat e mijëra shqiptarëve: “Me ne fitojnë të gjithë!”
Me Llallën e kishin të gjithë të sigurtë lirinë… me një kusht: Të ishe politikan i fuqishëm! Kjo liri u ble shtrenjtë, me klering nga kriminelët e politikës, duke shkatërruar jetë, e duke rënduar xhepat e mijëra shqiptarëve. Me Llallën humbi dhe besimi i pakët që kishte mbetur tek organi i akuzës, kur çdo verë, ai tallej me shqiptarët duke premtuar me pafytyrësi, për arrestime “peshqish të mëdhenj”, politikanësh, vipash, bosash. Sot, nuk ka njeri që nuk e di se në rrjetën e tij, jo peshq të mëdhenj, po as “cironkat” nuk binin!
Nuk e di në e mbani mend ju, po Llalla e mbronte fuqishëm e me pathos “punën” e tij! Nuk i dridhej qerpiku, tek pranonte gjatë intervistës në emisionin më të ndjekur nga shqiptarët, se e kishte shkelur “me të dyja këmbët”, e me sa fuqi që kishte ligjin, për hir të… Maliqit! Nëse nuk ju besohet hapni arkivën e “Opinion”!
Llalla nuk kërkon të rizgjidhet Kryeprokuror, se do arrestoj “peshq të mëdhenj”, e as për të provuar se sa e pastër është figura e tij! Llalla kërkon t’i qëndroj sa më larg “rrjetës” dhe të jet përfitues bashkë me “peshkatarët”.
I trullosur nga frika, e cila i ka hyrë deri në palcë, Llalla përdori të vetmen kartë që i kishte mbetur… sulmin, tanimë jo për të vegjetuar, por për tu mbrojtur me forcë derisa drejtësia e re do shembi njëherë e përgjithmonë pallatin e tij!
Përderisa arritëm këtu ku jemi, pyetja që i shqetëson shqiptarët është: A do iki Llalla?! Mirëpo, “pensionimi” i dyshimtë i Llallës, ka shkaktuar debate në politkë për emrin e Kryeprokurorit të Përkohshëm, që duhet të zëvendësojë Llallën e “përhershëm”.
Politika ka dy dilema, prej të cilave ka vetëm një zgjidhje: Bashkëpunimin!
Dilema e parë: Opozita, jo se e dashuron shumë Llallën, por është i vetmi, që nuk ka lëvizur kurrë nga istikami, si shërbëtor i bindur i së keqes, që ka gjeneruar gjithmonë opozita çadriste! Ndaj, të frikësuar, me parandjenjën e keqe se, ç’do ndodhi nëse prokurori i pestë i tyre largohet, po bëjnë të pamundurën, edhe duke kundërshtuar BE e SHBA, se Kryeprokurori do të zgjidhet si pas dëshirës të tyre antiligjore?!
Ata nuk ngulin këmbë për tranzicionin e Llallës, por për qëndrimin e tij edhe të paktën dy vite të tjera, deri sa vettingu të kaloi, e qeverisë Rama t’i përfundojë mandati. Intriga e tyre politike është e lexueshme: Moszëvendësimi i Llallës me një Prokuror të Përkohshëm, i jep kohë tutorëve të tij, që prokurori të moszgjidhet kurrë.
Arsyetimi është i thjeshtë: Duke qenë në detyrë Llalla, çfarëdo prokurori të propozoi KLP, për tu zgjidhur nevojiten 3/5 e votave në Parlament, të cilat nuk i japin kurrë, sepse u duhet Llalla, që trazon më shumë ujë se sa kos. Zgjedhja e Prokurorit shkon në kalendat greke dhe Llalla rron e mbretëron, vetëm nëse fshesa e vettingut nis pastrimin nga zyra e tij.
Dilema e dytë është: Kundërshtarët e trembur nga drejtësia për largimin e Llallës, duke qenë intrigant dhe duke kujtuar të kaluarën e tyre, i ka kapur paniku se, Rama do të vendosi një Prokuror të Përkohshëm, që mund të ngelet aty i “përhershëm”! Natyrisht me logjikën e tyre, kjo mund të ndodhte, po të ishte në krye të shtetit klani Berisha.
Arsyetimi përsëri është fare lehtë i kuptueshëm: Duke qenë se, opozita mund ta pëlqejë kandidatin e ofruar nga KLP, ai përsëri nuk zgjidhet pa votat e pozitës. Pra përsëri ngelet në detyrë Prokurori i Përkohshëm i propozuar nga pozita, i vendosur me shumicë të cilësuar.
Ndaj Rama u ka “shtrirë dorën” koalicionit opozitar, të zgjidhet një Prokuror i Përkohshëm me dakordësi të të gjitha palëve, që të marrë fund frika dhe dyshimi i opozitës. Pra si të qëndroj, apo të largohet, Prokurori i Përkohshëm duhet të jet i të gjitha palëve.
Natyrisht që Rama nuk e ka dorën e palodhshme, duke e mbajtur shtrirë në drejtim të opozitës së shkërmoqur. Madje ka për detyrë, të plotësoi kërkesën e atyre që e votuan: Për një drejtësi sa më të mirë, ashtu siç ka premtuar!
2 komente në “Dy dilemat për kryeprokurorin”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Asgje
Supozime
kete nyje gordiane,i mbetet ta zgjidhi vetem nje burre,nje burre shteti,perifrazoj ketu etiketimin e ish ambasadorit Arvizu per qoftelargun,plakun Mere(nuk mund ta kuptoj se si e tha ai kete per poadrinon e krimit ne shqiperi dhe babain e krimit e te korrupsionit…,mos kish marre gje droge?!) dhe me termin “burre shtet” nenkuptoj mikun e shqiperise,ambasadorin amerikan sot,zotin Donald Lu,tek i cili kane mberthyer syte dhe shpresat gjithe shqiptaret,brenda e jashte kufijve te shqiperise!Ka ardhur ora e se vertetes ! Zoti Lu dhe zonja Vlahutin nuk duhet ne asnje menyre te lejojne qe te tallen akoma me shqiptaret dyshja kriminale dhe e degjeruar Berisha-Meta dhe te bllokohegt zgjedhja e kryeprokurorit te ti apo te vazhdoje te qendroje akoma ne detyre lake-ja e tyre,Llalle harapashi i pergjumur dhe i krimbur nga parate qe merr nen dore per te shkaterruar sistemin e drejtesise.Boll me!Eshte koha per te lare llogarite me krimin dhe me kriminelet me imunitet qofte parlamentar apo presidencial.Presidentin duhet ta zgjedhe populli me referendum,dhe jo sic u veprua me like floririn,qe u zgjodh me “marreveshje” dhe eshte person i korruptuar dhe mjeshter i kulisave.