Te fundit
Pasi u vodhën 700 milionë dollarë, në Spaç nis rigjallërimi i industrisë së bakrit
4 Janar 2018, 13:36Ekonomia
TEMA
Industria e bakrit, një prej industrive më fitimprurëse në kohën e diktaturës dhe një prej industrive më të abuzuara në kohën e demokracisë ka nisur të rigjallërohet duke nisur nga Spaçi, vendin e njohur më shumë për burgun famëkeq se sa për potencialin e tij ekonomik.
Prej pak javësh, në këtë zonë ka nisur nga puna një uzinë moderne e pasurimit të bakrit, e cila për herë të parë pas më shumë se një dekade, do të rikthejë ciklin e mbyllur të përpunimit të këtij metali.
Uzina me 300 të punësuar shënon gjithashtu një ndarje nga koha kur bakri trajtohej si një mall pa zot, në duart e koncesionarëve të cilët në këmbim të rryshfeteve të majme shfrytëzonin këtë pasuri kombëtare për të pasuruar veten dhe politikanët, duke lënë në mjerim të plotë banorët e këtyre zonave.
Sipas të dhënave zyrtare, në fakt, bakri është i pari në listën e vjedhjeve të panjohura të realizuara nga qeveria e kaluar.
Përgjatë tetë viteve 2005-2013, Shqipëria ka eksportuar jashtë vendit 1,8 milionë tonë xeheror, i cili nëse do të ishte përpunuar në vend do të kishte prodhuar një fitim prej 900 milionë dollarësh për ekonominë kombëtare.
Megjithatë, nga shitja e këtij produkti janë përfituar vetëm 205 milionë dollarë, me një humbje prej rreth 80 milionë dollarësh në vit. Shumica e kësaj shume është përfituar nga koncesionari dhe shumë pak, janë rikthyer në formë taksash në buxhetin e shtetit.
Dëmi ekonomik, i shkaktuar nga mungesa e vizionit për zhvillimin e kësaj industrie në vendin tonë si dhe nga korrupsioni në nivelet e larta, arrin në plot 700 milionë dollarë, në tetë vitet e qeverisë së mëparshme.
Për fat të mirë, plani i ri ekonomik i qeverisë shqiptare, ndonëse vendos theksin e zhvillimit tek sektorë si turizmi apo bujqësia, parashikon edhe një rimëkëmbje të industrive minerare përmes modernizimit të vendburimeve të mineraleve dhe investimin në modernizimin apo krijimin e ciklit të plotë të prodhimit.
Hapja e kësaj fabrike të re pasurimi në Spaç u parapri në muajin qershor nga një vendim i publikuar në VKM me numër 126, e cila i hapi rrugën e rikthimit në punë të minierës së Munellës, e cila në kohën e komunizmit u cilësua si një burim me rezerva të jashtëzakonshme, por që nuk mund të shfrytëzohej me teknologjinë e kohës.
Gjithashtu, do të rikthehet në punë miniera e bakrit në Lak Rosh dhe miniera e Karmës.
Paralelisht, do të modernizohet fabrika e përpunimit të Fushë Arrëzit dhe do të rikthehet në punë impianti i fraksionimit të skorieve të bakrit në Shëngjit dhe fabrika e pasurimit të bakrit në Mjedë, pranë Shkodrës.
Rikthimi në punë i industrisë së bakrit do të favorizohet edhe nga rruga e re që lidh Fushë Arrëzin me Rrepsin, e rrjedhimisht me autostradën Tiranë-Kukës, një investim i qeverisë shqiptare që shkurton ndjeshëm rrugën deri në pikat e përpunimit dhe minierat e bakrit, duke lejuar një akses të tyre më të thjeshtë në tregun kombëtar dhe ndërkombëtar.
Gjatë 50 viteve të diktaturës, industria e bakrit ishte një prej industrive më fitimprurëse në vendin tonë.
Kjo sepse përveç cilësisë së mineraleve tona ekzistonte edhe një proces i mbyllur, i përpunimit të xeherorit, deri në nxjerrjen e produktit përfundimtar.
Ndryshimet e fillimviteve 1990 goditën rëndë këtë industri dhe të gjitha fabrikat e pasurimit, me përjashtim të fabrikës së amortizuar të Fushë Arrëzit, u mbyllën.
Në vijim, shteti shqiptar lidhi një marrëveshje koncensionare, me disa kompani që operojnë në këtë fushë dhe eksportojnë mineralin tonë të papërpunuar jashtë vendit. Megjithatë, këto kompani, deri më tani janë kufizuar në shfrytëzimin e rezervave tona kombëtare, pa investuar aspak në realizimin e një cikli të mbyllur prodhimi. /LEXO.AL
5 komente në “Pasi u vodhën 700 milionë dollarë, në Spaç nis rigjallërimi i industrisë së bakrit”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Mos hidhni shashka,por thoni kush i vodhi,kush eshte pergjegjes dhe kush duhet te jape llogari.
Boll kemi pare e ndegjuar ne keto 27 vjet akuza dhe kunder akuza,me peshq te medhenj,me sypeshkaqen me lloj lloj hajduti politikan.
Dhe sa me shume akuzojn njeri tjetrin aq me shume ngjisin shkallet e karieres……
“Demi ekonomik i shkaktuar nga mungesa e vizionit…”
Kursejini keto shprehje se vjedhesit kane patur nje vizion shume te qarte.
Ashtu si ata qe i bene mutin ketij vendi se nuk ishin qorra.
Kush eshte ku fare specialisti qe flet brockulla, kur me sa duket nuk e ka idene se cfare eshte bere dhe cfare behet sot ne industrine e bakrit. Edhe gazeta te mos botoje artikuj te pa kontrolluar ne nje fare mase per saktesine, nepermejt nje oponenece.
Industria e rende shqiptare,ashtu si cdo dege e rendesishme e ekonimise kombetare,ra ne duar mafiozesh,te cilet nxjerrin fitime qe as ata vete nuk e besojne.Keshtu kaloi nafta,cimento e cdo aktivitet fitimprures ne Shqiperi.
A do te kete Veting edhe per keto kompani mafioze? A do te rishikohen menyrat dhe procedurat e privatizimit te tyre.A do tu lihet shanc kompanive mafioze te vazhdojne te fitojne pambarimisht qindra milione euro ne vit,fale korrupsioneve galopante.Hapja e dokumentave te procedurave te privatizimeve,do te nxjerre mori privatizimesh qesharake,te cilat nuk mund te behen as ne vendet me te humbura afrikane.Se shpejti do behen publike ne shtyp,e kudo,dokumenta qe hedhin drite mbi korrupsionin ndoshta me te madh ne Shqiperi te industrise se cimentos.Te perfundoje ristrukturimi i gjygjesorit dhe gjithshka do marre udhe.Duhen troditur nga themelet dhe te mbajne pergjegjsine qe u takon cdo grupimi mafioz qe operon padrejtesisht ne Shqipiperi.Edhe pak!!!!!
Asgje nuk ka per te bere Vetingu. Duke vjedhur jane bere edhe biznesmenet ne bote. Siç thote nje shprehje e njohur amerikane:”Dje quheshin bandite, sot thirren biznesmene”. Keshtu krijohet edhe borgjezia dhe kasta drejtuese.