VIDEO: Në majën e Çikës me dëborë si në “Fronin e Perëndive”

Në fund-javë me dhjetra të rinjë aventurierë të borës dhe lartësive ngjiten në Llogara dhe më tej drejt lartësive me borë të Malit të Cikës.

Mali i Çikës ndodhet në Bregun e Detit, midis Jonit në perëndim dhe luginës së Shushicës në lindje, me majat më të larta të Çikës (2040 m) e të Qorres (2018 m).

Shpati perëndimor i tij është tepër i thepisur deri sa zbret në formën e një shkallareje në detin Jon, duke formuar Rivierën e Himarës, pjesa më piktoreske e gjithë Rivierës Shqiptare.

Shpati lindor është më i butë dhe bie mbi luginën e Shushicës. Format e relievit të sotëm janë shumë të ashpra, me maja të mprehta, shpate me gremina e rrëpira shumë të thella.

Pikërisht kjo faqe e tij shfrytëzohet për ngjitje alpinistike dhe rrëshqitje në borë.

E gjithë Llogaraja është një perlë e turizmit shqiptarë dhe ndodhet rreth 40 km në jug-lindje të Vlorës, në kufirin midis Adriatikut dhe detit Jon. Parku shkon nga lartësia 470 m në lartësinë 2018 m.

Pranë Qafës së Llogarasë ka shumë pemë dhe forma interesante kurorë si rezultat i baticave dhe erës së fortë. Një shembull i këtyre rrymave atmosferike është dhe  “Pisha Flamur”, një  monument i rrallë i natyrës me vlera shkencore dhe turistike.

Parku i Llogarasë ka një rëndësi të madhe si një destinacion turistik dhe shërben si një urë tranziti për të dy llojet e turizmit, atë bregdetar dhe atë malor.

Ai ka potencial të madh për zhvillimin e eko-turizmit, sportet e ajrit, ekskursionet dhe udhëtimet.

Ky është një vend klimatik, sepse këtu përzihen të dyja klimat, malore dhe detare e freskët. Për tifozët sportivë ky park ofron mundësi akomodimi në hotele  luksi.

Sezoni i turizmit dimëror, ose turizmi i bardhë, është në mesin e tij dhe ky park i veçantë po shfrytëzohet maksimalisht nga të rinjtë dhe aventurierët e borës e të lartësive sidomos në fund-javë.

Të rinjë nga Vlora,Himara dhe  nga qytete të tjera të vendit,ngjiten në Llogara për të gjetur aventurën por edhe peizazhin e veçantë të bregut dhe të malit.(ATSH)

Reforma e sigurisë ushqimore, nis aksioni në sektorin e përpunimit të qumështit

11:26 Sociale

FOTOT: Pas shumë vitesh, nis krasitja e pemëve në rrugën “Myslym Shyri”

10:02 Sociale

Armina Mevlani, e dashura e Shkelzen Berishës nuk di të shkruajë akoma shqip

09:34 Sociale

FOTOT/ Historia tronditëse e 65-vjeçarit nga Vlora që jeton në tualetet publike: S'dua të vdes këtu, se do më marrë historia. Jetoj si qen..

20:52 Sociale

Greqia dëbon 600 shqiptarë gjatë muajit dhjetor

20:43 Sociale

FOTOT: UKT, linje të re ujësjellësi për banorët e rrugës “Shaqir Oshafi" në Njësinë 8

17:27 Sociale

FOTOT: Horror në Pogradec, Bashkia masakron qentë dhe i lë të ngordhur rrugëve. I helmon qenin dhe turistit amerikan, që shokohet

18:20 Sociale

Përçarja e aleatëve, Fatmir Mediu: LSI nuk është koalicion me PD-në, ja çfarë po përpiqemi të bëjmë

16:01 Sociale

Spitali Amerikan merr përsipër rastin e 4 vjeçares që ende nuk ecën, fizioterapi falas 

14:42 Sociale

Shokon aktivistja shqiptare e të drejtave të grave: Femrat me buzët si viç do t’i zhduk nga miqësia, fyçka, shkoni në bordello…

14:25 Sociale