Te fundit
Enea Karakaçi reagon për ndarjen nga jeta të elektriçistit në krye të detyrës: Nderojmë me mirënjohje kontributin e tij
22 Korrik 2026, 11:35Sociale
TEMA
Një ngjarje e rëndë është regjistruar mbrëmjen e djeshme në Himarë, ku një elektriçist i OSHEE, i identifikuar si Bashkim Boçi,ka ndërruar jetë tragjikisht në krye të detyrës.
Në lidhje me rastin tronditës ka reaguar Ministri i Energjisë dhe Infrastrukturës, Enea Karakaçi, i cili përmes një postimi në llogarinë e tij në rrjetin social “Facebook”, është shprehur se e mori lajmin për vdekjen e Bashkim Boçit me dhimbje të madhe.
Duke ngushëlluar më tej edhe familjarët, të afërmit dhe kolegët e tij, teksa u shpreh se Bashkimi ishte pjesë e OSSH Elbasan që prej vitit 2000, duke ushtruar detyrën me përkushtim dhe profesionalizëm deri në momentin e fundit.
“Pas çdo rikthimi të energjisë, është kontributi i njerëzve që punojnë në kushte të rrezikshme, larg familjeve të tyre, për t’u shërbyer qytetarëve. Sot, një prej tyre nuk u kthye më.
Me dhimbje të thellë mora lajmin për humbjen e jetës së kolegut tonë, Bashkim Boçi, i cili ra në krye të detyrës, ndërsa ishte i angazhuar në riparimin e defekteve të shkaktuara nga moti i keq në zonën e Himarës.
Bashkimi ishte pjesë e OSSH Elbasan që prej vitit 2000 dhe e ushtroi detyrën me përkushtim dhe profesionalizëm deri në momentin e fundit.
Ngushëllimet më të sinqerta familjes, të afërmve dhe kolegëve të tij. Ndajmë dhimbjen me ta në këtë moment të vështirë dhe nderojmë me mirënjohje kontributin dhe sakrificën e Bashkim Boçit në shërbim të qytetarëve.
U prehtë në paqe.”
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Djali konviktor qe po behet milioneri i radhes. Ne euro