Te fundit
Në shkollë me “Armani”: Drejtoria e shkollës publike vendos për uniformën pa pyetur prindërit
9 Shkurt 2018, 10:11Lifestyle
TEMA
Prindërve të një shkolle fillore publike në Japoni u është kërkuar të blejnë uniforma të firmës “Giorgio Armani” për fëmijët e tyre.
Kërkesa është motivuar me nevojën për të qenë në lartësinë e zonës ku ndodhet shkolla.
Shkolla fillore ndodhet në distriktin Ginza të Tokios, një zonë shopingu e njohur për dyqanet e markave më të mëdha të modës.
“Taimei Elementary School” u thanë prindërve se nxënësit duhet të vishen në mënyrë të tillë që të reflektojnë prestigjin e zonës.
Uniforma e parashikuar për fëmijët e fillores është një veshje e përbërë nga pantallona dhe bluzë, me një çmim prej 90 mijë jen (820 dollarë), një kapërcim tepër i madh nga uniforma e zakonshme që prindërve u ka kushtuar zakonisht 100-200 dollarë.
Disa prindër janë ankuar për çmimin tepër të lartë të uniformës së vendosur nga drejtoria e shkollës, ndërsa të tjerë thonë se janë të shqetësuar kjo gjë i bën fëmijët të mendojnë se ajo çfarë është e shtrenjtë është edhe e mirë, ndërsa gjërat e lira janë të këqija.
Ministri i Arsimit, Yoshimasa Hayashi, tha se drejtuesit e shkollës duhej të ishin konsultuar me prindërit para se të vendosnin për uniformën. (TemA TV)
1 komente në “Në shkollë me “Armani”: Drejtoria e shkollës publike vendos për uniformën pa pyetur prindërit”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Me “Armani” duhet te ishin veshur edhe policia shqiptare me tenderin qe zhvilloi Hysni Burgaj kur ishte drejtor i pergjithshem. I takoi qe 20 milion euro te pjesetohen per 10 mije police ………