Te fundit
Ftohen "gjakrat" Trump-Jong-un, Koreja e Veriut e gatshme të bisedojë me SHBA
25 Shkurt 2018, 19:03Bota
TEMA
Koreja e Veriut është e gatshme të bisedojë me Shtetet e Bashkuara. Të paktën kështu thotë Koreja e Jugut, në një deklaratë pasi gjenerali Kim Jong Chol, përfaqësues i Veriut, u takua me presidentin Moon Jae-in para ceremonisë së mbylljes së Lojërave Olimpike Dimërore.
SHBA thotë se koreanoveriorët u tërhoqën nga një takim i mundshëm me zëvendëspresidentin Mike Pence gjatë ceremonisë së hapjes së lojërave.
Riafrimi i Koreve është parë si një lëvizje e Veriut për të vendosur një barrikadë mes jugut dhe SHBA.
Gjenerali koreanoverior u takua me presidentin Moon në Seul para ceremonisë së mbylljes së Lojërave Olimpike dhe, sipas zyrës së presidentit, ai kishte thënë se Koreja e Veriut ishte e gatshme të zhvillonte bisedime me SHBA.
Zyra e presidentit Moon shtoi se Veriu kishte rënë dakord se bisedimet ndër koreane dhe marrëdhëniet mes Penianit dhe Uashingtonit duhet të përmirësoheshin.
Peniani nuk ka bërë komente direkte, por disa herë ai ka thënë se do të ulej në bisedime pa parakushte.
Sidoqoftë, SHBA ka insistuar se fillimisht nevojiten hapa konkretë drejt denuklearizimit.(tch)
2 komente në “Ftohen “gjakrat” Trump-Jong-un, Koreja e Veriut e gatshme të bisedojë me SHBA”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Çarmatimi i Kores së Veriut është zgjidhje problemesh
Na cat trapin me kta dy skizofren, njeri me i shemtut se tjetri ! “ngrofje” —–“ftofje” ………luft —- paqe ,e cfar lloj “mezesh” nuk po shofim ne tavolinen dipllomatike ! Ftyra antipatike ,ftyra lufte e kercenimesh si gabelet e dehur..Njeri me fuqin, qe e ka bo Boten corap e tjetri ka bo vendin e vet kamp perqendrimi …Kokat hengshin ……