Parlamenti Europian informohet për vrasjen e gazetarit sllovak

Vrasja e gazetarit sllovak, Jan Kuciak ka shkaktuar valë zemërimi në të gjithë Europën. Tani po bëhet aktiv edhe Parlamenti Europian. Një delegacion i tij shkon këtë javë në Sllovaki për të mbledhur informacione.

Pas vrasjes së gazetarit sllovak, Jan Kuciak dhe të fejuarës së tij, Martina Kusnirova, kreu i qeverisë sllovake po gjendet gjithnjë e më shumë nën presion. Vrasja e gazetarit ka shqetësuar institucionet europiane për gjendjen e lirisë së shtypit në një vend anëtar të BE.

Tetë parlamentarë të Parlamentit Europian udhëtojnë nga e mërkura deri të premten në Sllovaki për të mbledhur të dhëna dhe informacione mbi vrasjen e gazetarit, shkruan gazeta gjermane „Welt am Sonntag” duke u bazuar në qarqe të BE. Kreu i PE, Antonio Tajani kishte bërë më parë publike marrjen e një vendimi për të dërguar një ekip hetues në vend.

Giegold: BE nuk duhet të qëndrojë duarkryq

Anëtar i delegacionit të BE është edhe eurodeputeti gjerman i Të Gjelbërve, Sven Giegold. Për „Welt am Sonntag” ai u shpreh se Parlamenti Europian nuk duhet të „shohë duarkryq rrënimin e shtetit ligjor dhe lirisë së shtypit” në vendet anëtare të tij.

Aktualisht presione po i vijnë qeverisë së kryeministrit sllovak, Robert Fico edhe nga partneri i koalicionit, Most Hid. Më 12 mars kjo parti do të zhvillojë konsultime për dhënien fund të bashkëpunimit me partinë e kryeministrit Robert Fico.

Most Hid kishte kërkuar largimin e Ministrit të Brendshëm pas vrasjes së gazetarit, Jan Kuciak. Fico ndërkohë po akuzon opozitën, se po e përdor vrasjen e Kuciak si „armë politike”.(dw)

"Armatimi bërthamor", Kim Jong-un pret delegacionin e Koresë së Jugut

14:54 Bota

OKB: Dështimi i marrëveshjes bërthamore do të ishte “humbje e madhe”

14:41 Bota

ANALIZA: Marrëdhëniet midis Kinës dhe Koresë së Jugut: Një Détente delikate

11:38 Bota

Turqve gjithnjë e më shumë po u njihet azili në Gjermani

09:58 Bota

Trump ka një propozim të ri për amerikanët: SHBA duhet të ketë president të përjetshëm

08:37 Bota

Rezultatet e para nga zgjedhjet në Itali: Prin koalicioni i Berlusconit

08:15 Bota

SHBA-ja dhe Britania fajësojnë Sirinë dhe Rusinë për tragjedinë humanitare

20:55 Bota

ANALIZA/ Marrëdhëniet midis Kinës dhe Koresë së Jugut: Një Détente delikate

18:26 Bota

Të tjerët shkojnë e vijnë, Merkel qëndron si shkëmb

14:28 Bota

Ditë historike në Pakistan, për herë të parë një grua hindu ulet në Senat

13:22 Bota