Qeveria britanike shton dhënien e lejeve të ndërtimit, rrit ofertën dhe ul çmimin e shtëpive

Mund të quhet një vendim historik ai që mori dje kryeministrja e Britanisë së Madhe, Theresa May, e cila i ka kërkuar qeverisë të stimulojë dhënien e lejeve të ndërtimit për shtëpi, si një mënyrë për të rritur kërkesë-ofertën dhe ulur çmimin e banesave për çiftet e reja.

Një nismë kjo, e cila është mirëpritur nga britanikët, duke qenë se të kesh në pronësi një shtëpi sot është bërë thuajse e pamundur në Britaninë e Madhe, sidomos për çiftet e reja që duan të krijojnë familje.

Theresa May deklaroi dje se qeveria është duke “rishkruar rregullat e planifikimit”, për të ndihmuar zhvilluesit dhe autoritetet vendore (bashkitë) të ndërtojnë më shumë shtëpi, për të rikthyer ëndrrën e pasjes së pronësisë së një shtëpie.

Rregullat e reja të planifikimit do ta bëjnë sistemin më të drejtë dhe më efektiv, duke riorganizuar procesin, duke shkurtuar burokracinë dhe duke i dhënë fund barrierave për lejet e ndërtimit.

Vitin e kaluar në Britani u ndërtuan mbi 217,000 shtëpi të reja, por kryeministrja tha se “për dekada të tëra ky vend ka dështuar të ndërtojë një numër të mjaftueshëm shtëpish”. Ajo u shpreh se “në pjesën më të madhe të vendit, strehimi është aq i papërballueshëm, saqë miliona njerëz, që me të drejtë duan të blejnë shtëpinë e tyre, nuk janë në gjendje ta bëjnë këtë. Dështimi për të përputhur kërkesën me ofertën, në të vërtetë ka nxitur rritjen e çmimeve dhe rrjedhimisht, çmimet më të larta, sollën qira më të larta”.

Kryeministrja britanike shtoi se “Unë ende e kam të freskët në kujtesë shtëpinë e parë që kam ndarë me burrin tim, Filipin. Jo vetëm fotot tona nëpër mure, librat tanë të vendosur në rafte, por edhe ndjesinë e sigurisë që vinte ngaqë e dinim që nuk do na kërkonin ta lironim atë brenda një kohe të shkurtër. Dhe për shkak se kishim atë siguri, ishte shumë më e lehtë të luanim një rol aktiv në komunitetin tone, për të ndarë qëllimin e përbashkët të një shoqërie të lire”

May pranoi se “hendeku midis lejeve të dhëna për ndërtim dhe shtëpive të ndërtuara, është ende shumë i madh”. Ajo u shpreh se “qeveria po rishkruan rregullat për planifikimin edhe për arsye që lejet e ndërtimit të jepen më shpejt”.

Për të parë njoftimin e qeverisë britanike klikoni linkun: https://www.gov.uk/government/neës/pm-speech-on-housing-to-set-out-changes-to-planning-rules

Kongresi Popullor: Kina armatoset, rritet ndjeshëm buxheti për ushtrinë

13:50 Bota

ANALIZA: Gjëegjëza japoneze rreth iniciativës së brezit dhe rrugës të Kinës, e deshifruar

12:16 Bota

FOTOT: Të gjithë njerëzit e dorëhequr të presidentit

11:54 Bota

Mateo Salvini: Një portret i liderit oportunist të së djathtës ekstreme në Itali

11:22 Bota

Industria gjermane e automjeteve e shqetësuar nga kërcënimet e Trumpit

10:49 Bota

PROFILI: Ish-kamarieri që mund të bëhet kryeministri i Italisë

10:35 Bota

ANALIZA/ Perëndimi i papritur i Republikës së Dytë në Itali, njësoj si në 1994-ën

10:00 Bota

Ish-spiuni rus helmohet në mënyrë misterioze në Britani. Gjendet në sot pa ndjenja bashkë me një grua

21:24 Bota

Rezultatet në Itali, Lëvizja "5 Yjet" jep garancitë e para: Të gatshëm për formimin e qeverisë së re

18:00 Bota

Merkel shtyp "pedalin e gazit", nis tempi i punës: Partnerët presin pozicionimin e Gjermanisë

16:53 Bota