LETRA/ Deputetja e PD që ishte pro martesave gay, i përgjigjet ambasadorit amerikan: Mr. Lu, çështja është se LGBTI s'është halli më i madh yni

Deputetja e PD-se, Oriola Papmuri i eshte pergjigjur me nje leter te hapur ambasadorit amerikan ne vendin tone, Donald Lu, i cili pak dite me pare, gjate nje aktiviteti per te drejtat e LGBTI, paralajmeroi ate, ish- deputetin Manjani dhe demokratin Tritan Shehu per qendrimin e hapur kunder ketij komuniteti.

Kujtojme qe Pampuri ishte shprehur pro martesave gay ne Shqiperi, ndersa ishte thjesht sociologe, ndersa tani qe eshte bere deputete e PD, mendon ndryshe.

Letra e plote e deputetes se PD

Mr. Lu, ne kuadër të deklaratës suaj mbi deputetët të cilët nxitën debatin mbi cështjen LGBT, gjeta pak kohë t’ju përgjigjem, pasi problemi ynë nuk është pikërisht ky komunitet dhe problematikat e tij, madje besoj e jam e bindur që në një moment kritik për qeverinë e politikat e saj kjo cështje po përdoret mirëfilli si një mekanizëm mbrojtës, ku bazat I ka tek zhvendosja e vëmendjes.

Cështjet që sot po rrënojnë këtë vënd e janë pasojë e një politike të gabuar, e një politike në shërbim të klientëve e të oligarkëve, ku përfshihen një sërë faktorësh të rëndësishëm kombëtarë e ndërkombëtarë, nuk janë LGBT, por taksat, varfëria, papunësia, largimi I Shqiptarëve si azilkërkues, largimi I shtresës së mesme, largimi I intelektualëve, mjekëve, inxhinierëve, profesorëve etj.

Sot në spitale nuk ka kushte, nuk ka medikamente për të sëmurët me kancer, mbi 30000 familje përjashtohen nga skema e ndihmës ekonomike, 11 qytetarë të pafajshëm sot janë në burg, vetëm sepse protestojnë për një taksë të cilën nuk munden ta përballojnë më, jetojnë në mjerim e nuk kanë me c’të ushqejnë fëmijët.

Sot, si kurrë ndonjëherë procedohen penalisht deputetë të opozitës, vetëm pse mbështesin një protestë paqësore qytetare, e cila vjen pas një gjëndje tejet të rënduar të ekonomisë në cdo familje shqiptare. Por kryetarë bashkish të cilët kanë abuzuar me pushtetin, ish ministra të cilët janë përfshirë në trafik kombëtar e ndërkombëtar droge, ish ministrat e koncensioneve korruptive, e trafikantë bashkëpunëtorë të qeverisë janë ende të pandëshkuar.

Kjo është cështja Mr. Lu, nuk janë LGBT, ata nuk janë as të sëmurë, as të paaftë për të punuar, e as nuk janë diskriminuar kurrë për të përfituar projekte pafund, si asnjë kategori tjetër.

Unë në profesionin tim jam Psikologe Klinike, e në zyrën time kam këshilluar disa prej tyre, sigurisht në atë zyrë askush nuk paragjykohet e nuk diskriminohet, pasi është profesioni I tillë I cili ‘te zhvesh’ nga cdo lloj paragjykimi.

Shkolla, formimi, profili e profesioni me nxisin të mos diskriminoj, ashtu sikurse kam bërë edhe një vit më parë duke folur nën petkun e psikologes e cila respekton të drejtën e cdo komuniteti për të jetuar në mënyrën që ai zgjedh. Nuk diskriminoj askënd.

Në këtë botë cdo njeri ka të drejtë të bëjë jetën e tij, në mënyrën që ai zgjedh ta bëjë atë, por pa imponuar askënd për të pranuar me pahir këtë zgjedhje.

Në këndvështrimin tim dhe të elektoratit që përfaqësoj, prioritet do t’I jepja ish te përndjekurve, jetimëve, e personave me aftësi të kufizuara.

Por sot flas në emër të qytetarëve që përfaqësoj, në emër të së Djathtës, e cila është një parti konservatore, ku familja ka vlerat themelore, e në emër të personit tim si nënë, si grua e si familjare e një familje të shkëlqyer, e cila familjen e ka të shënjtë e të paprekshme.

Ky është mendimi im, I djemve te mi, I familjes sime, I elektoratit tim, I paraardhësve të mi si konservatorë brez pas brezi.

Unë si profesioniste vlerësoj mendimin e lirë, I cili duhet të respektohet nga cdo kush si nga politikanët për njëri-tjetrin, ashtu edhe me gjerë e më ngushtë.

Mendimi im nuk ka të bëjë me homofobinë, por me vlerën që I jap vazhdimësisë, e cila ka sens vetëm në një familje tradicionale, ku mund të përcillet modeli I nënës e babait e vlerat e moralit, mbi bazën e të cilave kapërcehet me sukses cdo hallkë për zhvillimin e personalitetit.

I Stand With Trump.

Me respekt:

Dr. Orjola Pampuri

Monika Kryemadhi: Veliaj në vështirësi, Rama nuk do ta rikandidojë për Tiranën

22:34 Politika

“Më tha ekstremiste”, Monika Kryemadhi tregon bisedën me Metën për çizmen

21:50 Politika

Mimi Kodheli tregon pse u "vonua" për qëndrimin për "Rrugën e Kombit"

21:19 Politika

Deputeti italian i vete në spital 26- vjeçarit shqiptar me një tufë parash: Po të paguajmë me taksat tona, për të na vjedhur

20:56 Politika

Elisa Spiropali replikon me Berishën, për makinën 150 mijë euro: Mos u merr me sajesat e tët biri, frika është këshilltari më i keq

20:13 Politika

Rrëfehet Paskal Milo: Lashë futbollin për “Zërin e Popullit”. Si u njoha me gruan, hyrja në politikë dhe ndarja me Skënder Gjinushin

19:30 Politika

Nikollaq Neranxi: Të derdhemi rrugëve deri sa të ikë Rama nga pushteti!

18:33 Politika

DOSSIER: Kur Enver Hoxha përkulej para talentit të Robert Ndrenikës dhe Mirush Kabashit, zbulohet dokumenti i Komitetit Qendror të PPSH-së

14:41 Politika

LSI sulmon ambasadoren Vlahutin: Zhgënjim i thellë, mbështet qeverinë e sigurimit të shtetit

16:14 Politika

1.8 miliardë euro: Rruga që “shkundi” xhepat e shqiptarëve, asnjë shtet në Europë s'ka shpenzuar kaq për një rrugë (gjë që tregon vjedhjen monstruoze)

16:03 Politika