Te fundit
Ornela Vorpsi dhe trekëndëshi: Para, Pushtet e Femra
20 Prill 2018, 10:31Blog
TEMA
Nga Elona Zhana
Gjuetia e shtrigave dhe gjuetia e gjuetarëve të gjuetisë së shtrigave që pasoi vizitën e Ornela Vorpsit në Tiranë më bëri krejt naivisht t’i drejtoja vetes pyetjen: «A më pëlqen mua Ornela Vorpsi?».
M’u kujtua që kisha lexuar librin e saj të parë me një frymë ndërsa të dytin e kisha braktisur pas faqes së parë. Kam ndjekur pak fare nga punët e saj pamore dhe më përcjellin një ndjenjë mes pasigurisë, dhimbjes e hakmarrjes. Por nuk është se jam ndonjë njohëse e madhe e artit pamor.
M’u kujtua po ashtu që dikur pasi kishte nxjerrë librin e dytë kam patur një bisedë të muskuluar këtu në Bruksel gjatë të cilës realisht mbroja Ornelën, ose gruan, ose artisten bukuroshe grua që ishte Ornela. Bëhej fjalë që ajo kishte thënë se shqiptarët nuk ishin ende gati për të lexuar librat e saj ndaj edhe ajo nuk i përkthente në shqip. Nuk jam tifoze e teorisë së botës bardhezi, mendoj që kishte edhe atëherë shqiptarë që do ta pëlqenin siç rezultoi që kishte edhe sot që nuk do ta pëlqenin fare. Dhe më mirë kështu, është pikërisht ky dualitet esenca e nevojës për art.
Kur gëluan portalet nga një intervistë që kishte dhënë, u bëra kurojze dhe e kërkova në youtube. Kam vendosur të çliroj veten nga diktatura e medias dhe ndaj jam shumë pak ndjekëse live e tyre. Pashë intervistën dhe ishte tërësisht siç e prisja unë para gati 10 vitesh. Ornela ishte sërish shumë e bukur, e largët, mosbesuese, me një stil të sajin por edhe me një karakteristikë që ne humanët e kemi të përbashkët, atë të nevojës për të na dashur.
Që ajo do të gjykohej ishte një evidence ende pa hapur gojën. Por ajo gjuajti edhe dy nga tre përbërësit e trekëndëshit skandal -shpjegues: Para, Pushtet e Femra. Në mos fare të tre! Fakti që foli për dashurinë e saj platonike ndaj Ramës, bëri që të drejtoheshin ndaj saj shtizat e atyre moralistëve që duke qenë klonim i mendësisë otomane më atë të një qytetarizmi ala komunist, i kanë marrëdhëniet shumë të kompleksuara së pari, me trupin e lë pastaj me dashurinë. Lind pyetja a do të gjykohej Ornela nëse do të kishte patur një dashuri platonike me një jo-Ramë? Po, por sigurisht më pak. Ky ishte këndi: Femra (mashkulli në këtë rast çfarë e bën situatën edhe më atipike).
Ornela qëlloi edhe këndin e Pushtetit. Ajo u shpreh se Rama, kryeministri shqiptar kishte mahnitur Parisin me artin e tij. Nuk duhen shumë neurone për të kuptuar që po mahnite Parisin të ka ardhur radha të nisesh të pushtosh e mahnitësh Los Angelos e jo të kthehesh në Shqipëri. Por a nuk mund të dakordohemi ne që realisht Vorpsi ka të drejtën e saj të mendojë që Rama ka mahnitur Parisin?
Edhe këndi i tretë: Para, nuk u kursye gjatë kësaj gjuetie. Dhe flas për para nga këndvështrimi i Vorpsit në këtë rast pasi në të kundërt do të ngatërrohej me pushtetin. Ekspozita e saj u mundësua nga kryeministri. Tërësisht normale, është një teknikë e marketingut politik dhe është po aq e vjetër sa edhe strukturimi i dëshirës së njeriut për pushtet. Personalisht m’u duk shumë idiote teza komplotuese sipas të cilës asaj i ishte kërkuar të fliste për Kryeministrin gjatë intervistave të asaj. Vorpsi çmimin e paguante me ekspozitën e saj në COD, kaq!
Dhe si përfundim moj vajzë të pëlqen Ornela Vorpsi, ty apo jo?, i them vetes. Meqë po flasim për profesorë një i imi këtu në Bruksel, jo aq i pashëm dhe as aq ambicioz sa Rama; na thoshte: «Mos prit një përgjigje të duhur kur ke bërë pyetjen e gabuar».
9 komente në “Ornela Vorpsi dhe trekëndëshi: Para, Pushtet e Femra”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Mentalitet shqiptar mentalitet otoman! Ndryshimin e bejne shqiptaret qe u rriten ne perendim ose ne Amerike! Dashuria ashtu sic eshte fat eshte dhe tragjedi! Nuk eshte turp te thuash qe une e kam dashuruar Ramen nga larg! Na ndodh c’do dite qe “biem ne dashuri” me njerez te zgjuar apo te bukur per nje cast! Nje popull qe nuk do shtet por do Saliun?! Nje popull qe nuk punon por mendon se si te pasurohet pa menduar se si! Nje popull qe burrit i falen te gjitha dhe per grate eshte krim?! Behuni njerez Fevzi dhe Prec Zogaj me Tosin dhe Andin me Shkullakun e Zhejin apo me Arianin dhe Arturin! Me Paloken dhe Bashen! Behuni njerez!
Pashe intervisten e Fevziut marre Orneles.Niveli i Blendi Fevziut scandaloz.Aty pashe realisht kazanin e Blendit,me nivel alla qoftesh me panine.Shume scandal,cfare gazetaresh kemi.
Asgje si heq e si shtoj kesaj zonje per statusin e vet personal qe ka. As jeta e saj sme intereson se seshte a s Maria Antuanete as zonja e hekurt e Anglise Thecer.
Me intereson qe ardhja e saj te behej ne skupin mediatik me idjot qe kam pare. Ci hyn ne xhep njerezve ke ka dashur kjo zonje. Apo erdhi te na thote qe Rama na qenka i kuturuar nje vip shqiptar. Shume bastarde si perpjekje. Ne eshte artiste cfare arti prezantoi dhe pse e prezantoi ne kryemnistri.
Skupi me idjot qe ka bere Rama qe kuron mire anen mediatike. Thjesht e ka perdorur dhe nga ky perdorim ka perfituar me siguri kjo zonja. Te ishte ne lirine e saj e te prezantonte ekspozite pa media fare pa skupe me Ramen brenda do qe normalja.
“Ekspozita e saj u mundësua nga kryeministri???!!!
Vleresimi i pikturave te Rames ne Bienalen e Venecias ,”…. skica të një adoleshenti nën efektin e drogës,….
punimet nuk do të kishin ndonjë rëndësi,sikur të mos ishin bërë nga kryeministri i Shqipërisë”.
Ore zigur apo zagar si quhesh na cave by..
..zigur dhia eshte nga benca…!
Nje pershendetje per Elonen-na duhen shkrime qe stimulojne te menduarit.
Xhelozi nga shkruesja e ketij artikulli teper te dobet dhe pasohen nga komentuesit me te njejtin sindrom qe ka dhe artikullshkruesja sindromi i Shaban Qoses.
..shkrim me vlere, sic thote llama-i siper; por jo per ziguret e rrjeteve online…!