Te fundit
Skenari i "ekzekutimit" të gazetarit, Rusia: Sa keq që nuk u ekspozua maskarada “Skripal”
31 Maj 2018, 17:14Bota
TEMA
Inskenimin e vrasjes së gazetarit Arkady Babchenko, Rusia e përdori për të treguar se ka edhe episode të tjera të ngjashme me të, duke tërhequr paralele edhe me helmimin e Salisburyt.
“Babchenko është gjallë, e ky është lajm i mirë”, komentoi në Facebook zëdhënësja e Ministrisë së Jashtme ruse, Maria Zakharova. “Sa keq që maskarada nuk është ekspozuar edhe në raste të tjera”.
Ligjvënësi rus, Konstantin Kosachev bëri lidhjen me rastin e Sergei Skripalit, duke e cilësuar edhe atë një “teatër” për të përbaltur Rusinë.
Më herët të mërkurën, përpara rishfaqjes befasuese të Babchenkos, që i bëri kolegët e tij të hidhen përpjetë nga gëzimi, ministri i Jashtëm Sergei Lavrov deklaroi se Perëndimi po e përdorte këtë moment për të promovuar pikëpamjet rusofobe dhe për të krijuar një situatë të pakëndshme për vendin, në çdo mënyrë të mundshme.
Mediet botërore u mbushën një ditë më parë me lajmin e asaj që dukej si vrasje e bujshme e gazetarit rus. Autoritetet ukrainase njoftuan se 41-vjeçari, kritik i politikave të Putinit dhe veprimeve ruse në Ukraine e Siri, ishte qëlluar për vdekje përpara banesës së tij në Kiev, një lojë për të cilën, me sa duket as e shoqja nuk ishte në dijeni.
Njoftimi i këtij ekzekutimi shkaktoi një shkëmbim të nxehtë akuzash mes Moskës dhe Kievit dhe tronditi grupet mediatike në të dyja vendet. Siç shpjegoi vet reporteri, sajesa e realizuar falë Shërbimit ukrainas të Sigurisë i shpëtoi atij jetën, sepse ekzistonte një komplot për eliminimin e tij.(tch)
1 komente në “Skenari i “ekzekutimit” të gazetarit, Rusia: Sa keq që nuk u ekspozua maskarada “Skripal””
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Mereni dhe futeni ne bythe skenarin “gjenial”! Sapo futet ne dyshim sajese edhe vrasjet e verteta te gazetareve ne rrethana