Samiti i G7, Trump: Kryeministri kanadez shumë i pasinqertë dhe i dobët

Presidenti i Shteteve të Bashkuara, Donald Trump, thotë se ka dhënë udhëzime që zyrtarët amerikanë të mos e nënshkruajnë deklaratën e përbashkët të shtatë udhëheqësve që morën pjesë në takimin dyditor të G7-ës në Kanada. Ai përmendi deklaratat e bëra pas largimit të tij, nga Kryeministri i Kanadasë Justin Trudeau.

“Shumë i pasinqertë dhe i dobët”, shkruajti Presidenti Trump në Twitter, si reagim ndaj deklaratës së zotit Trudeau se tarifat e reja amerikane për aluminin dhe çelikun janë “ofenduese”.

Presidenti Trump shkruajti më tej se “bazuar në deklaratat false të Justinit gjatë konferencës së tij për shtyp, dhe për faktin se Kanadaja ka imponuar tarifa të mëdha ndaj produkteve të fermerëve, punëtorëve dhe kompanive amerikane, unë kam udhëzuar përfaqësuesit amerikanë të mos e mbështesin deklaratën e përbashkët, ndërkohë që do të shqyrtojmë edhe tarifat ndaj automobilëve që kanë vërshuar drejt tregut amerikan”.

Si reagim ndaj vendimit të Presidentit Trump për t’u tërhequr nga deklarata e përbashkët, zyra e Presidentit francez Emmanuel Macron u shpreh nëpërmjet një deklarate se “bashkëpunimi ndërkombëtar nuk mund të ndikohet nga shpërthime inati dhe batuta” dhe se veprimi i Presidentit Trump është tregues “inkoherence dhe mungese të konsistencës”.

Në një deklaratë të zëdhënësit të qeverisë gjermane, Steffen Seibert, thuhet se “Gjermania i qëndron deklaratës së përbashkët për të cilën ishte rënë dakort paraprakisht”.

Kryeministri Trudeau e mbylli dje takimin e G7-ës në Kanada duke mos ndryshuar pikëpamjet e tij kundër Presidentit Donald Trump, në veçanti për sa i përket tarifave të reja për çelikun dhe aluminin, për të cilat janë irrituar Kanadaja dhe Bashkimi Evropian. Në fjalimin e tij përmbyllës, zoti Trudeau u shpreh se Kanadaja do të vazhdojë me planin e vendosjes së tarifave ndaj mallrave amerikane, madje që nga data 1 korrik./voa/

ANALIZA: Pse Austria mbyll 7 xhami e dëbon 60 imamë

22:10 Bota

ANALIZA: "SpaceX kishte premtuar të dërgonte turistë të pasur në hënë brenda 2018-s"

21:44 Bota

Përplasja SHBA-Francë në G7, Macron: Nuk bëhet diplomaci me kriza inati

16:14 Bota

Vonesat me Brexit, konservatorët kërcënojnë May-n me “grusht shteti”

16:01 Bota

"Pakti bërthamor", Irani i bën thirrje Evropës: Shpëtojeni, ja shembulli i fundit i unilaterizmit

15:44 Bota

Larijani: Europianët të japin verdiktin e tyre për marrëveshjen bërthamore

15:33 Bota

Tria qetëson BE-në: Nuk kemi ndërmend të dalim nga eurozona

14:59 Bota

Europa ime: Bukureshti dhe trauma urbane

20:35 Bota

Mbyllja e xhamive, Erdogan paralajmëron Austrinë: Ky veprim po e dërgon botën drejt luftës

11:38 Bota

Largim i Gjermanisë nga SHBA-ja? Lojë me zjarrin

11:14 Bota