Te fundit
VIDEO: Njihuni me "ëngjëjt mbrojtës" të Forcave të Armatosura
11 Qershor 2018, 15:39Lifestyle
TEMA
Forcat e Armatosura shqiptare vijojnë transformimin edhe sa i përket trajnimit të efektivëve.
Për herë të parë në historinë e ushtrisë shqiptare, 2 vajza po stërviten për t’u bërë pjesë e skuadrës së kërkim shpëtimit në ujë.
Egzime Muça dhe Margarita Gjerko janë dy ushtare, të cilat janë bërë pjesë e Forcave të Armatosura vetëm pak muaj më parë, por kaq i ka mjaftuar për të bërë atë që se ka bërë asnjë vajzë para tyre.
Përveç se janë dy vajza, të bën përshtypje mosha e tyre, Muça 21 vjeçe, ndërsa Gjerko 19 vjeçe, një shembull për t’u ndjekur nga bashkëmoshataret e tyre.Lajmin e ka bërë të ditur ministrja e Mbrojtjes Olta Xhaçka, e cila përmes një videoje të publikuar në Facebook përshëndet sfidën e dy vajzave.
“Nuk mendoj se e ekzagjeroj nëse i quaj ëngjëj mbrojtjes, pasi detyra e tyre është kërkim-shpëtimi në rastet e fatkeqësive.Por për herë të parë dy vajza, ushtare të reja të FA po stërviten për t’u bërë pjesë e togëujore. #Respekt për vullnetin!”- shkruan Xhaçka.
Në video ato shprehen të vetëdijshme për vështirësitë që kërkon kjo detyre, por duken të vendosura për t’i shkuar deri në fund kësaj sfide.
Angazhimet e ushtrisë shqiptare në misionet jashtë vendit, por edhe ato brenda vendit gjatë emergjencave civile kanë rithyer dëshirën e të rinjve për t’u futur në ushtri, kjo edhe për shkak të rritjes së vëmendjes së qeverisë për Forcat e Armatosura, pasi kryeministri Rama ka premtuar rritje të konsiderueshme në trajtimin financiar për ushtarakët shqiptar.
\https://www.facebook.com/xhackaolta/videos/1656071517761895/
2 komente në “VIDEO: Njihuni me “ëngjëjt mbrojtës” të Forcave të Armatosura”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ne kemi ministri Mbrojtjeje se duhen punesuar militantet,por ushtri harroje se ke,moj zonja ministre!
Doemos qe zotrote nuk ia ke haberin se cfare eshte ushtria e vertete,por ty te mjaftojne rroga,dietat,shetitjet neper bote,pompoziteti etj, se as sa Lenka Cuko dikur nuk ben pune ti!
Mos u beni qesharake