Te fundit
Hakmarrja e Kinës, vendos tarifë për 659 mallra të SHBA me vlerë 50 miliardë dollarë
16 Qershor 2018, 08:59Bota
TEMA
Kina do të vendosë një tarifë shtesë prej 25 për qind për 659 mallra të SHBA me vlerë 50 miliardë dollarë, njoftoi agjencia zyrtare e lajmeve Xinhua, duke cituar Komisionin e Tarifave të Këshillit të Shtetit.
Tarifat mbi 34 miliardë dollarë mallra të SHBA, duke përfshirë produktet bujqësore, makinat dhe mallrat ujore do të hyjnë në fuqi që nga 6 korriku, njoftoi Xinhua herët të shtunën, duke cituar komisionin.
Tarifat për mallrat e tjera të SHBA do të shpallen në një datë të mëvonshme, sipas Xinhua.
Këshilli i Shtetit është kabineti i Kinës, ose qeveria.
Ky reagim i menjëhershëm vjen pasi presidenti i SHBA, Donald Trump, njoftoi të premten 25 për qind tarifa mbi 50 miliardë dollarë të importeve kineze, në një masë që duket e vendosur për të ndezur një luftë tregtare midis dy ekonomive më të mëdha të botës.
Trump tha se tarifat do të vendoseshin në një listë të importeve strategjike të rëndësishme nga Kina. Ai gjithashtu u zotua për masa të mëtejshme nëse Pekini do të reagojë më pas.
“Vendimi i SHBA ka shkelur rregullat e Organizatës Botërore të Tregtisë dhe është në kundërshtim me konsensusin që Kina dhe SHBA arritën në negociatat e mëparshme tregtare“, raportoi Xinhua.
“Ajo gjithashtu ka dëmtuar seriozisht të drejtat dhe interesat legjitime të Kinës dhe ka dëmtuar interesat e Kinës dhe popullit të saj“, sipas raportit. (TemA TV)
Lini një Përgjigje
Më të lexuarat
24 oret e fundit
Javen e fundit
Blog Tema
