Te fundit
Kane frymëzuesi i një kombi, me “uraganin” Anglia synon Botërorin
26 Qershor 2018, 17:03Sport
TEMA
Emri i Harry Kane tingëllon shumë si fjala angleze “Hurricane” që në shpip përkthehet “uragan”, një fenomen natyror që shkatërron gjithçka që gjen përpara dhe një fenomen natyror është edhe kapiteni i Anglisë.
Vetëm 24-vjeç por e ka merituar plotësisht atë shirit sepse është njeriu që po udhëheq anglezët në të gjitha drejtimet. I fortë fizikisht, qetësia e denjë për një snajper, saktësia e një kirurgu dhe nuhatja e Superpipo Inzaghit. Ngjitja në maja nuk ka qënë e thjeshtë për goleadorin e Tottenhamit.
Sezonin që i parapriu Botërorit të Brazilit, ai endej në kategoritë e ulëta angleze mes Norëich e Leicester City që asokohe luante në Championship, golat e shënuar nga sulmuesi ishin vetëm 2, sot 4 vite më vonë “rosaku i shëmtuar” është shnderruar në një mjelmë ose më mirë në një luan.
Në krye të armatës së Gareth Southgate është pikërisht Harry Kane, 5 herë ka gjetur rrugën e rrjetës në Rusi më mirë se ai deri më tani askush, futbollisti i 3-të në historinë e Anglisë që realizon një tregolësh në Botëror. Sigurisht për të gjunjëzuar Tunizinë dhe Panamanë mjaftonte një shi veror, dhe “uragani” Kane duhet të vërtetojë forcën e pakufijshme që disponon kundër rivalëve me themele shumë më të qëndrueshme, megjithatë aftësitë e bomberit mund të thërrmojnë çdo skuadër.
Botërori i parë dhe i fundit i fituar nga Anglia është shumë larg, “I have a dream” është sllogani i famshëm i amerikanit Martin Luther King Jr, “I have a dream” këndojnë sot të gjithë anglezët”.
Harry Kane e sheh veten përpara mbretëreshës duke u pagëzuar me titullin kalorsiak “Sir”, megjithatë më shumë se gjithçka sheh ditë-natë Kupën e Botës dhe projekton imazhin e tij me trofeun më të rëndësishëm në futboll.(SS)
2 komente në “Kane frymëzuesi i një kombi, me “uraganin” Anglia synon Botërorin”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
DERI NE KETO MOMENTE ANGLIA KALUAJTUR KUNDER SKUADRAVE DILETANTE. DO TA SHIKOJME ANGLINE KUR TE LUAJE KUNDER BELGJIKES.
TE LUMTE PENA.FJALA JOTE NE VESH TE PERENDISE.