SKEMA: Ja si do funksionojë tarifa e rrugës Milot-Morinë, vendimi mbi zbritjen botohet në Fletoren Zyrtare

Skema zbritëse e tarifës për përdoruesit e shpeshtë të rrugës Durrës-Kukës pjesë e autostradës Milot-Morinë nisë të hënën data 17 shtator.

Vendimi është publikuar në Fletoren Zyrtare dhe përcakton skemën e zbritjes për përdoruesit e shpeshtë që përfshin tri kategori:

Në kategorinë e parë të automjeteve të banorëve të qarkut Kukës përfshihen klasat A e B të automjeteve për përdorim personal të regjistruara në qarkun Kukës.

“Këto automjete do të pajisen me OBU-në (On Board Unit) e sistemit Digital Pass dhe në OBU nuk do të regjistrohen më shumë se dy automjete për familje. Tarifa e rrugës për 1 (një) kalim për të gjitha automjetet e regjistruara në qarkun Kukës për klasën A do të  jetë 50 (pesëdhjetë) lekë me TVSH dhe për automjetet e klasës B do të jetë 100 (njëqind) lekë me TVSH. Kjo tarifë do të jetë e kufizuar për jo më shumë se 44 (dyzet e katër) kalime në muaj dhe e vlefshme për t’u përdorur brenda periudhës 1-mujore nga data e kryerjes së pagesës për këto kalime (nëse ky numër tejkalohet, atëherë përdoruesi i OBU-së do të duhet të tarifohet sipas vlerës përkatëse të parashikuar në pikën 11.4.5 të kontratës së koncesionit)” përcaktohet në vendim.

Shpenzimet e kryera nga shoqëria koncesionare për koston e pajisjes (OBU) së sistemit Digital Pass, e cila do t’u jepet falas banorëve të qarkut Kukës, do të përballohet nga pagesa e parashikuar në  kontratën e koncesionit. Përdoruesit e qarkut Kukës do të parablejnë në mënyrë të përshkallëzuar deri në 44 kalime me këtë tarifë të reduktuar.

Në kategorinë e dytë përfshihen autobusët nga dhe për në qarkun e Kukësit. Tarifa e rrugës për këta autobusë do të jetë 100 (njëqind) lekë me TVSH për 1 (një) kalim.

Në kategorinë e tretë përfshihen përdoruesit e shpeshtë të autostradës Milot–Morinë, automjetet e të cilëve do të pajisen me OBU-në (kostoja e OBU-së do të përballohet nga këta përdorues të shpeshtë të autostradës) dhe nuk do të regjistrohen më shumë se dy automjete.

“Lidhur me kategorinë “Përdorues të shpeshtë”, pa dallim mjeti, ulja e tarifës do të bëhet për numër kalimesh, pasi sistemi do të funksionojë në mënyrë të tillë që do të regjistrojë numrin e kalimeve për çdo mjet, si më poshtë vijon:

Nga 20 (njëzet) deri në 30 (tridhjetë) kalime në muaj, përdoruesi i shpeshtë do të përfitojë një zbritje në masën 10 (dhjetë) %; ii. Mbi 30 (tridhjetë) deri në 50 (pesëdhjetë) kalime në muaj, përdoruesi i shpeshtë do të përfitojë një zbritje në masën 20 (njëzet) %; iii. Mbi 50 (pesëdhjetë) deri në 60 (gjashtëdhjetë) kalime në muaj, përdoruesi i shpeshtë do të përfitojë një zbritje në masën 30 (tridhjetë) %;

Mbi 60 (gjashtëdhjetë) kalime në muaj, përdoruesi i shpeshtë do të përfitojë një zbritje në masën 40 (dyzet) %.” përcaktohet në vendim. e.xh/ /a.g/

Presidenti i European Chambers: Investitori do siguri për investimin në Shqipëri, ja qëllimi i vizitës në Tiranë dhe disa prespektiva

11:15 Ekonomia

SHIFRAT: "Shqiptarët e bëjnë qefin pa para", shpenzimet më të ulëta në Europë për argëtimin

10:19 Ekonomia

Albgaz prezanton projektet prioritare në interkoneksion në Konferencën ndërkombëtare “Perspektivat e Interkoneksionit në Ballkanin e Jugut” në Selanik

22:50 Ekonomia

Sfidat e Albgazit në Shqipëri, kompania që do të shpërndajë gazin e TAP

21:08 Ekonomia

Borxh mbi borxh për rrugën Tiranë-Elbasan

18:11 Ekonomia

Kuvendi rrëzon Metën për lojërat e fatit, derketi i presidenti hidhet poshtë me 74 vota

14:18 Ekonomia

Ultimatumi i Ahmetaj: Nga 1 janari nuk do të ketë me kazino në zonat e banuara

10:40 Ekonomia

Këshilli i Ministrave miraton vendimin për “Air Albania”!

17:51 Ekonomia

Gjiknuri: Bashkia Shkodër të japë dritën jeshile për bypass-in, projekti i dakordësuar tashmë duhet të zbatohet

14:58 Ekonomia

Kazinotë në krye të listës për shkeljen e ligjeve, ja ‘mali’ me parregullsitë

17:05 Ekonomia