Te fundit
FOTO: Strakosha në skuadrën e javës të FIFA-s
20 Shtator 2018, 12:00Sport
TEMA
Instinkti i shkëlqyer që tregoi në minutën e 95-të ndaj Empolit, por edhe disa ndërhyrje të tjera gjatë ndeshjes, kanë bërë që Thomas Strakosha të fitojë menjëherë vend mes në ekipin e më të mirëve që ekspertët e EA Sports, në bashkëpunim me FIFA-n, kanë zgjedhur për javën e parë të FIFA19.
Strakosha u tregua vendimtar me ndërhyrjen e tij ndaj Kaputos për të siguruar që Lacio të merrte pikët e plotë në ndeshje dhe kaq i ka mjaftuar për të siguruar vendin e tij në këtë ekip të veçantë të lojës së famshme kompjuterike, ku ka qenë i pranishëm edhe në sezonin e kaluar.
Strakosha është portier i dytë në fakt, pasi vendin e parë, mes titullarëve e zë Jan Zomer i Borusia Mynshengladbah.
Mes emrave të përzgjedhur këtë javë, përkrah Strakoshës janë edhe Kulibali, Kancelo, Paje, Hazard, Jarmolenko apo Verner.
Një vend në formacion ka fituar edhe Granit Xhaka, për golin e tij në fundjavë me fanellën e Arsenalit.
Lini një Përgjigje
Më të lexuarat
24 oret e fundit
Javen e fundit
Blog Tema
