Erdogani bën kthesë, në përpjekje për t’u afruar sërish me Gjermaninë

Presidenti turk, Erdogan, ka një mesazh të ri për Gjermaninë: Të shkuara, të harruara. Gjatë vizitës së parë zyrtare në Berlin që prej vitit 2014, këtë të enjte Erdogan shpreson të ringrohë marrëdhëniet turko-gjermane, në përpjekje për të lehtësuar vështirësitë diplomatike dhe ekonomike me të cilat po përballet vendi i tij kohët e fundit.

Megjithatë, gjermanët nuk janë fort të bindur. Ndërsa presidenti gjerman Frank-Walter Steinmeier do ta presë Erdoganin me nderime ushtarake dhe një banket shtetëror, por politikanët më të lartë po e bojkotojnë pritjen.

Kancelarja Angela Merkel nuk do të marrë pjesë në darkën e së premtes, por do ta takojë Erdoganin disa herë gjatë udhëtimit të tij tre-ditor. Ndërkohë në Berlin, mijëra njerëz planifikojnë të protestojnë kundër Erdoganit dhe vendimit të autoriteteve për t’i lejuar një vizitë shtetërore.

Lidhjet midis dy vendeve, tashmë të tronditura nga mosmarrëveshjet lidhur me çështjet që shkojnë nga përpjekja e Turqisë për t’u bashkuar me Bashkimin Evropian ndaj gjenocidit armen, janë përkeqësuar ndjeshëm gjatë dy viteve të fundit, pasi Erdogan e transformoi Turqinë në një shtet gjithnjë e më autoritar.

Gjermanët u tërbuan kur Erdogan akuzoi Berlinin për “taktikat naziste” në përpjekje për të nxitur ndjenjën nacionaliste përpara një votimi kritik vitin e kaluar.

Paraburgimi i zgjatur i rreth 50 qytetarëve gjermanë, mes tyre korrespondenti i Welt, Deniz Yücel, pas përpjekjes së Turqisë për grusht shteti 2016, nxiti gjithashtu zemërim dhe e udhëhoqi Berlinin për të kërcënuar Ankaranë me sanksione.

Erdogan, nga ana tjetër, e ka akuzuar Berlinin për strehimin e terroristëve, duke iu referuar mbështetësve të dyshuar të grushtit të shtetit, të cilët kërkuan azil në Gjermani. Ai gjithashtu përgënjeshtron qeverinë gjermane për atë që Turqia e percepton si mungesë solidariteti në pasojat e grushtit të dështuar të shtetit.

Por për presidentin turk, ka ardhur koha të përqëndrohet në të ardhmen. Në një konferencë shtypi javën e kaluar, ai tha se prioritet i tij në Gjermani do të ishte të kalonte “përvojën e viteve të fundit”.

Megjithatë, dëshira e papritur e Erdoganit për afrim nuk i ka rrënjët te keqardhja. Ankaraja po ballafaqohet me një krizë të thellë të monedhës. Lira turke ka humbur një të tretën e vlerës së saj që nga fillimi i këtij viti. Inflacioni është në rritje, dhe aktualisht qëndron në 18 për qind.

Kriza ka ardhur kryesisht për shkak të politikave që vetë Erdogan ka ndjekur, pasi ai e ka forcuar kontrollin e saj mbi politikën monetare. Në gusht, një mosmarrëveshje me Shtetet e Bashkuara bëri që lira të përjetonte rënie drastike kur Presidenti Donald Trump imponoi tarifa të larta dhe urdhëroi sanksione për dy ministra turq. (TemA TV)

ANALIZA/ Brexit: Shifrat e tmerrshme të një katastrofe të mundshme

13:54 Bota

Maduro i "shtrin" dorën Trump: Jam i gatshëm të takohem me presidentin e SHBA

12:00 Bota

10 ekuacionet që ndryshuan historinë e botës: Nga teorema e Pitagorës tek ligji i gavitetit dhe llogaritjet

10:00 Bota

Merkeli drejt largimit? Humbet shumicën, ja pesë mundësitë si mund të venë punët

09:54 Bota

Dëmet e Brexit në punësim: Ja sa vende pune janë shkurtuar në Mbretërinë e Bashkuar

09:47 Bota

Kushtrimi i luftës së Orbanit ndaj BE-së

09:14 Bota

Ish-këshilltari i Trump, kandidati që pritet të trazojë Europën, në "aksion"

08:34 Bota

Anglia njofton identitetin e të kërkuarit në sulmin kundër Sergei Skripalit

20:42 Bota

25,000 britanikë "dënohen me vdekje", infektohen me gjak të kontaminuar amerikan

17:24 Bota

Donald Trump po çon drejt shkatërrimit sistemin e tregtisë globale

15:46 Bota