Cristiano Ronaldo reagon pas akuzave për përdhunim

Cristiano Ronaldo ka mohuar kategorikisht akuzat për përdhunim të Kathryn Mayorga duke e quajtur atë “lajme të rremë”.

Ish-sulmuesi i Manchester United, futbollisti më i famshëm në botë, foli në një video të Instagram Live vetëm disa orë pasi një grua amerikane paraqiti dokumentet e gjykatës duke e akuzuar atë për sulm ndaj saj në Las Vegas në qershor 2009.

Duke qeshur në kamera, ylli i Juventusit hodhi poshtë akuzat, duke thënë: “Jo, jo, jo, çfarë thanë sot? Ata duan të promovojnë veten e tyre duke përdorur emrin tim, është normale, duan të jenë të famshëm duke përmendur emrin tim, por kjo është pjesë e punës, unë jam një njeri i lumtur dhe i mirë”, tha portugezi.

Kathryn Mayorga, 34 vjeç, pretendon se Ronaldo e përdhunoi atë në një banjo në Palms Hotel dhe Kazino në Las Vegas.

Sipas asaj ai i kishte paguar 287.000 paund, kështu që ajo kurrë nuk do të fliste më për akuzat e saj. Por avokati i saj thuhet se po sfidon tashmë marrëveshjen e dyshuar. Çifti u takua në klubin e natës Rain në Palms, ku Ronaldo ishte duke qëndruar me pushime.

Ndërsa ka edhe një foto mes CR7 dhe Mayorga sëbashku në klub. Sipas dokumenteve të paraqitura në Gjykatë të premten, Ronaldo ftoi zonjën Mayorga dhe një mik në suitë e tij për të shijuar pamjen e Stripit të Las Vegas.

Zonja Mayorga pretendon se Ronaldo sugjeroi që të notonin në pishinën e tij, por ndërsa ajo hyri në banjo për t’u ndrruar, ai shkoi pas saj duke ekspozuar veten dhe i kishte kërkuar të kryenin një akt seksual.

Sipas gazetave, Ronaldo më pas e mori me force zonjën Mayorga dhe, edhe pse ajo po bërtiste “jo, jo, jo!”, ai e përdhunoi. Ajo pretendoi: “Kur përfundoi akti ai ende nuk donte që të shkoja. Ai më shikoi, me faj dhe filloi të më thërriste “fëmijë”. Unë nuk mund të kujtoj saktësisht se çfarë tha ai, por ai më pyeti nëse kisha dhimbje. Pastaj ai u ul në gjunjë dhe tha: ‘99% jam një djalë i mirë, thjesht nuk e di për 1%’. Ajo tha se paraqiti një raport përdhunimi në policinë e Las Vegas të nesërmen.

E bujshme nga Italia, Zidan pranë klubit të Seria A

15:12 Sport

Dhimbje koke për Panuçin, Kaçe mund të mungojë në dy takimet e rradhës

14:52 Sport

Kategoria Superiore rikthehet në mesjavë, java e shtatë do të jetë e ndarë në dy ditë

14:43 Sport

Manchester City, “çmenduri” 200 mln paundëshe për Mbappe

14:33 Sport

14 derbi pa fitore, Tirana ka humbur edhe grintën

14:07 Sport

Pogba i shpall luftë Mourinho-s, merr vendim ekstrem

13:51 Sport

Juventus rekordesh: 8 fitore në 8 ndeshje, ashtu si 88 vite më parë

12:19 Sport

Real dhe Atletico barazojnë, “Colchoneros” rishkruajnë historinë

22:41 Sport

Interi mposht Cagliarin dhe ngjitet në vendin e katërt

22:36 Sport

U la në stol, Lionel Messi: Barça s’varet nga unë, ja ku gabuam

21:07 Sport