SHBA nuk ndryshon kurs për Shqipërinë, pavarësisht ikjes së Donald Lu: SPAK dhe BKH mbeten prioritet kyç (dhe një mesazh i fortë për politikanët)

Për dy vite me radhë, opozita ka këmbëngulur se reforma në drejtësi, e udhëhequr me forcë nga ambasadorët Donald Lu dhe Romana Vlahutin, është vepër e Sorosit.

Sipas tyre, me ardhjen në pushtetet e Donald Trump dhe ikjen e Donald Lu nga Shqipëria, reforma do të merrte tjetër drejtim.

Por ditën e djeshme zëvëndësambasadorja e Shteteve të Bashkuara të Amerikës në Tiranë, Leyla Moses Ones ka bërë një deklaratë shumë të fortë, duke treguar se administrata e “Trump” do vijojë të mbajë të njëjtën linjë.

Ajo e bëri të qartë se SHBA do të bëjë gjithçka për ngritjen e SPAK e BKH.

Duke folur në ceremoninë e diplomimit të magjistratëve të rinj, zv/ambasadorja amerikane vuri në dukje faktin se Shtetet e Bashkuara të Amerikës janë të vendosur për mbështetur institucionet ligjzbatuese në vend, në mënyrë që vendi të pastrohet njëherë e mirë nga të korruptuarit.

“Gjithashtu do të vazhdojmë të mbështesim përpjekjet për të ngritur SPAK-un dhe BKH-në. Këto institucione do të forcojnë kapacitetin e Shqipërisë për të luftuar krimin e organizuar dhe korrupsionin.

SPAK dhe BKH përfaqësojnë epokën e re të daljes nga e shkuara e njollosur prej korrupsionit dhe përfaqësojnë llogaridhënien e re për popullin shqiptar. Ne jemi shumë krenarë t’i mbështesim që të dyja këto institucione”, deklaroi ajo.

Deklaratat e zv.ambasadores Leyla Moses Ones, tregojnë qartë se edhe kjo e fundit është në të njëjtën linjë me ish-ambasadorin Donald Lu.

Leyla Moses Ones sapo është emëruar zv.ambasadore e SHBA-vë në Tiranë dhe është e dërguara e presidentit Donald Trump, ku përveç rolit të saj, zonja Ones tanimë ka marrë edhe frenat e Ambasadës deri sa të vij ambasadori i ri.

Ajo dha ndërkohë një mesazh për politikanët shqiptarë, sidomos pë rata që duan të minojnë reformën në drejtësi.

“Më lejoni të jem shumë e qartë, diçka që nuk do të ndryshojë është mbështetja e palëkundur e Shteteve të Bashkuara për shtetin ligjor në Shqipëri.

Shtetet e Bashkuara do të vazhdojnë të qëndrojnë kundër atyre që përpiqen të rrëzojnë sistemin e drejtësisë.

Shtetet e Bashkuara do të vazhdojnë të jenë këmbëngulëse në thirrjet tona publike për një gjyqësor etik.

Shtetet e Bashkuara do të dalin kundër gjyqtarëve dhe prokurorëve të korruptuar që i përdorin pozitat e tyre për t’u pasuruar apo për të favorizuar të fortët, apo për të shmangur edhe vetë drejtësinë e tyre.

Shtetet e Bashkuara do të vazhdojnë të mbështesin rrugën e Shqipërisë drejt anëtarësimit në BE.

Përkushtimi i Shteteve të Bashkuara ndaj shtetit ligjor në Shqipëri është i patundur.

Është i pandryshueshëm. Dhe është i panegociueshëm”, tha ajo.

"Shembulli i Gruevskit do të vijë dhe në Shqipëri, Berisha e di që nuk e merr dot pushtetin si më 1998"

09:08 Politika

Vasili ironizon kryeministrin: Rama meriton çmimin "Nobel" për nxitje përdhunimi

16:26 Politika

Marrëveshja e detit, Ylli Manjani-Ramës: Lexo Kushtetutën, or ti

14:06 Politika

FOTOT: Kush është i fejuari i Elvana Gjatës, biznesmen i fuqishëm (dhe çfarë thoshte këngëtarja për të rreth 8 muaj më parë)

13:16 Politika

VIDEO/ Dalin pamjet: Sherri për Elvana Gjatën, disa ditë më pare në Bllok. Dje palët do “sqaroheshin”

12:25 Politika

Përplasja me armë në Bllok: Policia shpall në kërkim të dashurin e Elvana Gjatës, biznesmenin 31-vjeçar

12:12 Politika

Ervin Salianji i thotë burgut hapu: Nuk kam frikë, por s’kam kryer asnjë vepër penale

12:08 Politika

REAGIMI/ Policia jep detaje nga përplasja e djeshme në Bllok, vrasësi dyshohet një komando

11:48 Politika

Rikthim vizash me Shqipërinë? Flet komisioneri i BE: Për momentin nuk ka probleme, por ne po monitorojmë situatën

11:38 Politika

Ftesa e Xhaçkës për NATO: Një prej Ministerialeve vitin e ardhshëm të mbahet në Tiranë

11:16 Politika