"Kaçi i bardhë" parashikon ardhjen e Bashës në pushtet: Rama po fundoset fare, ju lëpi dhe përul Bashës në takimin e fshehtë

Kaç Islami ka filluar të rishfaqet gradualisht në skenën publike pasi u la jashtë nga kryedemokrati Lulzim Basha në zgjedhjet elektorale të vitit të shkuar.

Ish deputeti socialisto-demokrat herë pas here publikon ndonjë shkrim ku sulmon kryesisht kryeministrin Edi Rama dhe kabinetin qeveritar.

Sipas tij, shefi i qeverisë është në ditët e tij në pushtet duke paralajmëruar “Epokën Basha”.

Ndërkohë, ai bën edhe një zbulim ku tregon se ka informacione se në takimin “kokë më kokë” Rama i është përgjunjur rivalit të tij në politikë Basha.

Ndër të tjera ai shkruan:

“Me marrjen e të gjithë pushteteve, në vitin 2017, pasi kërcënoi opozitën dhe mashtroi liderin e saj pasi kishte zhvilluar një takim të fshehtë me qarjet, lëpirjet e përuljet e tij karakteristike, Rama do të gjëndej në fillim të vitit 2018, duke sunduar i vetëm, i rrethuar vetëm nga një Kupolë servile e klienteliste e përbërë nga oligarkë, bartës të krimit e trafiqeve, prostitucionit e pastrimit të parave, dhe nga disa manenikë e kukulla të pështira e të neveritshme…

Tanimë Sekti Rama kishtë vënë të gjithë sistemin nën kontroll, për të nisur kalbëzimin e qelbur dhe fundosjen e tmerrshme.

Kjo do ta detyronte Ramën të vihej i vetëm, së bashku me një grusht grabiqtarësh e zullumqarësh, përballë të gjithëve, jo vetëm politikisht por mbi të gjitha

Shuplakën e fortë do ta merrte nga Gjermania e Hollanda që jo vetëm do ti grisnin në fytyrë raportin e sheqerosur Mogherini-Hahn-Fleckenstein por edhe do ti mbyllnin fatkeqësisht derën e negociatave Shqipërisë e shqiptarëve duke thënë preraz e troç se qeveria është e korruptuar dhe e inkriminuar dhe nuk ka asnjë gjasë të kalojë portën e BE. Se shqiptarët po ndëshkohen për shkak të keqqeverisjes që po suportojnë.

Në këtë moment do të mbaronte edhe demagogjia e mashtrimi me sukseset imagjinare të kësaj qeverisje mashtruese e banditeske, që askush nga qytetarët shqiptarë nuk e kishte besuar prej kohësh, por që vazhdonte të sillej arrogante sepse disa zyrtarë të kompromentuar të Brukselit përmes “diplomacisë së kanabisit” i kishin krijuar hapësirat për të manovuar e mbijetuar dhe shitur dështimet si suksese imagjinare.

Skandalet e shumta e madje edhe arrestime për shou të peshqve të ngordhur do të zbulonin para publikut lidhjet e Kupolës së qeverisë së tij me kriminelët, me oligarkët, me trafikantët, me banditët, me pastruesit e parave të pista dhe kështu do të ndriçohej në sytë e shqiptarëve dhe ndërkombëtareve e Vërteta e Madhe e këtij rregjimi oligarkik e kriminal dhe Bëmat e Zullumet ku janë zhytur që nga dita e parë e qeverisjes Rama me ministrat e tij, shumë nga (ish)deputetët e korruptuar, drejtues në pozicione kyçe të administratës publike, drejtues të bizneseve të klientelës, manjatë të medias së Rilindjes, deri edhe drejtues të lartë të Prokurorisë e disa gjykatës të vënë nën kontroll nga Rilindja. Këto skandale do të provonin gjithçka kanë thënë kundërshtarët e tij dhe opozita, për lidhjet e Ramës e të Sektit të tij me

 korrupsionin, kriminelët dhe trafikantët dhe sa herë që Rama përpiqet të mbulojë një skandal me një tjetër veçse zhytet në një tjetër dhe kështu deri në fundosjen e plotë.

Skandalet e shumta do ta zhysnin çdo ditë edhe më thellë edhe për shkak të përpjekjeve qesharake e të neveritshme për të dalë prej batakut përmes skenarëve të sajuar apo betejës donkishtekste “antibabale”, antishpifje apo “xhensiliane” që askush nuk i beson dhe me neveri tallen, apo me ato të arrestimeve qesharake të peshqve të ngordhur me të cilat tallen të gjithë qytetarët e ndershëm që presin vetëm shporrjen dhe ndëshkimin e Ramës, e kokës së kësaj Kupole sektare.

Shumica e shqiptarëve janë tashmë të bindur se prej kohësh Rama as nuk po qeveris dhe as nuk do të mund të qeverisë dot më për shkak se është peng i kriminelëve, trafikantëve e banditëve dhe po kalbëzohet i kapur me thonj pas pushtetit, duke përhapur erën e ndotur të bëmave dhe zullumeve të panumurta, që po kundërmon Shqipërinë por edhe të gjithë Europën, duke turpëruar shqiptarët kudo që ndodhen….

Kancelaritë kryesore i kanë të qarta lidhjet e Sektit Rama me kriminelët dhe trafikantët dhe çdo ditë po hedhin në treg fakte e prova, thënë ndryshe kanë filluar ti heqin ditë pas dite tullat kësaj ngrehine të korrupsionit, krimit dhe trafiqeve; për ta fundosur pa shumë zhurmë këtë qeverisje të kalbëzuar.

 Por sidoqoftë siç do e keqe edhe ky kalbëzim i qeverisjes ka një të mirë, Rilindja ka filluar të fundoset në landifildnin e “qelbësirave” mbi të cilat u themelua dhe u zhvillua…” shkruan ndër të tjera Islami. (TemA)

LSI akuza Ramës për blerje votash: Është skllav i votave të qelbura dhe jashtëqitjes, Shqipëria na ka zgjedhur ne

16:52 Politika

Edmond Spaho paralajmëron protesta masive: Do krijojmë front qytetar për të mbrojtur teatrin, bastet do mbyllen tani dhe pas 6 muajsh do hapen

16:17 Politika

FOTOT: "Nga Peleshi që s'ja ndan sytë Xhaçkës tek buzëqeshja e Kumbaros me Majkon", ja momentet nga Kuvendi që s'u panë në televizor

15:20 Politika

Kuvendi miratoi ligjin për ndalimin e basteve, Rama: Fjalët mbrapsht shpifësve, nuk do ketë loto as off apo online

15:02 Politika

Mbyllja e basteve, Braho: PD kope politike e degjeneruar, Sali Berisha kryebixhozçi

14:20 Politika

VIDEO/ Rama shkrin gazit deputetët e Kuvendit: Babalja "Ezeli" i PD-së, Monika "Skllavja Izaura" e telenovelave të KinoShQUP-it

14:25 Politika

Basha flet për zgjedhje të parakohshme: Krimi i siguroi Ramës 15 mandate, leksione gazetarëve se çfarë pyetje duhet të më bëjnë

13:41 Politika

Lojrat e Fatit, Balla: Denoncova familjarët e ish-kryeministrit se kishin lidhje me bizneset e pista, m’u betua se do ma bënte fytyrën si këpuca...

13:20 Politika

Veliaj falenderon shkrimtarin e madh, Ismail Kadare: Na dha mbështetje për një teatër të ri

13:05 Politika

Bastet, Ahmetaj: I japim fund bolorisë politike, mbyllen pa kthim

12:54 Politika