Te fundit
Rama nuk heq dorë, nis urgjent propozimin e dytë: Emri i Lleshit sërish për dekretim te Meta
9 Nëntor 2018, 10:23Politika
TEMA
Ashtu siç e kishte paralajmëruar kryeministri Edi Rama i ka dërguar sërish Presidentit të Republikës Ilir Meta propozimin për emërimin e Sandër Lleshi ministër i Brendshëm.
“Sapo kam rifirmosur për ridërgim kërkesën për dekretimin e Sandër Lleshit Ministër i Brendshëm, drejtuar Presidentit të Republikës.
Bashkëngjitur do t’i dërgohet Presidentit edhe një relacion i detajuar shpjegues, në funksion të dekretimit të Ministrit të Brendshëm”, shkroi sot Rama në Twitter.
Ky ishte qëndrimi i shprehur dhe në mbledhjen e grupit të PS pak ditë më parë ku tha se “do t’i krijonin bindjen presidentit” por dhe ne emisionin e mbremshem televiziv.
Rama paralajmëroi gjithashtu se në ditët e ardhshme qeveria do t’i drejtohet dhe Gjykatës Kushtetuese për një interpretim të kësaj çështje.
Ndonëse kjo Gjykatë aktualisht është jashtë funksionit, kryeministri tha se në momentin që ajo do të plotësohet me anëtarë mund ta marrë në shqyrtim.
Mos dekretimi i Sandër Lleshit si ministër i Brendshëm solli debate të shumta në politikë por Rama urdhëroi socialistët të mos e komentonin.
Kryeministri vendosi që t’ia besojë sërish drejtimin e ministrisë zotit Lleshi, por nga pozita e zëvendësministrit.
1 komente në “Rama nuk heq dorë, nis urgjent propozimin e dytë: Emri i Lleshit sërish për dekretim te Meta”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ta shikojme kesaj radhe trimerine e malokut te Skraparit. Prape nuk do ta dekretoi? Nuk e besoj, kesaj radhe do ti jape OK, ndryshe edhe Amerika e ben lanet, ose katran me boje.