Te fundit
VIDEO: Edinson Kavani e plas përtokë, sërish sherr me shokun e skuadrës Nejmar
17 Nëntor 2018, 10:33Sport
TEMA
Rikthehen polemikat mes Nejmar dhe Kavanit e këtë radhë shkas bëhet miqësorja mes Brazilit dhe Uruguait që u luajt në Londër.
Një ndeshje miqësore që ndjehet shumë në fakt, aq sa ka sjellë edhe shkëndijat e radhës mes Nejmar dhe Kavanit, shokë skuadre të PSG.
Mes të dyve ekziston një luftë e heshtur që në radhët e klubit parisien, pas polemikave që kanë pasur në të kaluarën për gjuajtjet e penalltive apo goditjeve të dënimit të cilat më parë i takonin uruguaianit.
Me rezultatin 1-0, falë penalltisë së ekzekutuar nga Nejmar në minutën e 76, Kavani luftoi në çdo moment për topin dhe pak para fundit të ndeshjes, bëri një ndërhyrje pikërisht ndaj bashkëlojtarit të PSG.
Braziliani si gjithmonë e teproi me rrotullimet në tokë, ndërsa Kavani i nervozuar i kërkoi gjyqtarit që ta ndëshkonte atë për “teatrin”, por mori si përgjigje një karton të verdhë.
Më pas, Kavani shkopi t’i jepte dorën Nejmar, por ky i fundit ia largoi me forcë, një shenjë pakënaqësie që mund të sjellë pasoja mes dy lojtarëve në vazhdimin e sezonit te klubi parisien.
Lini një Përgjigje
Më të lexuarat
24 oret e fundit
Javen e fundit
Blog Tema
