Te fundit
Prej muajsh nuk shkojnë në Kuvend, Gramoz Ruçi iu përgjysmon rrogën deputetëve të opozitës (por iu paguan karburantin dhe telefonin)
4 Dhjetor 2018, 19:14Politika
TEMA
Ndonëse në bojkot parlamentar prej disa muajsh, deputetët e Partisë Demokratike kanë vijuar të marrin rrogën e tyre.
Gazeta “Panorama” zbardh sot pagat e deputetëve të Kuvendit të Shqipërisë për muajt tetor dhe nëntor të këtij viti. Në tabelën e shpenzimeve të deputetëve, ku është edhe listëpagesa e deputetëve, deputetët e opozitës kanë vijuar të marrin pagën, por jo të plotë.
Kryetari i Kuvendit, Gramoz Ruçi, është treguar dorëlëshuar me deputetët e opozitës duke i penalizuar vetëm me mungesat në mbledhjet e komisioneve dhe të seancave plenare.
Ndërkohë, ai u ka akorduar atyre pagesat për shpenzimet e tjera siç janë karburanti, telefoni.
Sipas listës së pagesës së publikuar në gazetë, deputeti më i paguar nga opozita përgjatë dy muajve e fundit ka qenë zëvendëskryetari i Kuvendit të Shqipërisë, Edi Paloka.
Ndërsa deputetët më pak të paguar nga PD-ja janë Gent Strazimiri dhe Astrit Veliaj, ndërsa nga LSI-ja është deputetja Silva Caka.
Deputetët e maxhorancës, përgjatë dy muajve të fundit kanë marrë një rrogë më të lartë sesa muajt e mëparshëm. Konkretisht, muaji nëntor u ka dhënë atyre më shumë të ardhura sesa në muajt e mëparshëm. Kjo lidhet me kalendarin e ngjeshur të punimeve të Kuvendit, ku u shqyrtua buxheti për vitin 2019, si edhe paketa fiskale që e shoqëron atë.
Kësisoj, nga radhët e maxhorancës, krahas Gramoz Ruçit si kryetar i Kuvendit që është edhe më i paguari, deputetët e Komisionit të Ekonomisë kanë marrë nga 117 mijë lekë në muaj, ndërsa kryetarët e komisioneve nga 122 mijë lekë në muaj.
Paga e deputetit përllogaritet nga pjesëmarrjet në komisionet parlamentare.
Sipas ligjit për statusin e deputetit, përcaktohet se: “Paga e deputetit përbëhet nga paga për pjesëmarrjen e tij në seancë, në komisione dhe në veprimtari të tjera parlamentare.
Mospjesëmarrja pa shkaqe të përligjura të deputetit në seancë, në komisione ose në veprimtari të tjera parlamentare, sjell ndalesën e pjesshme të pagës ose të shpërblimit. Mospjesëmarrja pa shkaqe të përligjura e deputetit në seancë, në komisione ose në veprimtari të tjera parlamentare sjell ndalesën e pagës ditore”.
3 komente në “Prej muajsh nuk shkojnë në Kuvend, Gramoz Ruçi iu përgjysmon rrogën deputetëve të opozitës (por iu paguan karburantin dhe telefonin)”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Z Ruci si kryetar I Kuvendit nuk duhet te pergjysmonte rrogen ,por per kohen qe deputetet e opozites nuk Kane shkelur ne kuvend te mos u paguhet asnje cent Nese nje punetori apo nenpunesi i pritet rroga per aq sa mungon e duhet te paraqese dhe justifikim per deputetet perse gjithe ky priviligj??!!! apo po na bejne veze te kuqe !!!! e me nivelin qe Kane e “punen qe bejne” nuk meritojne asgje
Ne po te vonohemi 2 minuta na presin diten e punes keta derra i bien botes mbare dhe miljonat i marin. Kanceri ju rafte o plera.
E pse i paguhet telefoni karburanri apo gjysma e pages kur skane qene prezent dhe nuk i kane sherbyer vendit. Ceshte ky privilegj? Kjo nuk eshte e drejte