Protestat: Çfarë po i shtyn hungarezët të mbushin sheshet?

Hungarezët kanë zbritur në sheshe ditët e fundit, pas miratimit të një ligji që është cilësuar si “ligji i skllavërisë”. Ndryshimi në Kodin e Punës ka të bëjë me mundësinë që u jep punëdhënësve për t’u kërkuar punonjësve të punojnë deri në 400 orë shtesë në vit jashtë orarit. Me ligjin ekzistues, ky numër nuk e kalon 250-n. Po ashtu, ligji i ri u lejon kompanive ta vonojnë pagesën e punonjësve për orë shtesë deri në tre vjet.

Ajo që i zemëron akoma më shumë protestuesit është një ligj i ri i miratuar, i cili përcakton ngritjen e gjykatave administrative, të cilat janë në varësinë direkte të ministrit të Drejtësisë. Kritikët thonë se kjo do të lejojë ndërhyrjen politike në çështjet gjyqësore dhe do të minojë më tej sundimin e ligjit.

Partitë opozitare janë kundër këtyre dy ligjeve.

Protestat kanë nisur më 12 dhjetor. Më e madhja ishte ajo e së dielës.

Ndonëse protestuesit hungarezë në rrugët e Budapestit patën njëfarë mbështetjeje në internet nga populli francez, ajo që po ndodh në Hungari nuk është e njëjta gjë me lëvizjen e jelekëve të verdhë në Francë.

Hungarezët protestojnë në rrugë duke mbajtur në duar flamuj të BE-së dhe një nga kërkesat e tyre është që Hungaria të bashkohet me Prokurorinë Publike Europiane. Ata thonë se janë lodhur me mediat publike, që përhapin lajme të rreme kryesisht për emigrantët.

Elementi i ri i këtyre protestave, krahasuar me të tjerat në vitin 2010, është se partitë e opozitës janë të bashkuara dhe protestojnë së bashku.

Qeveria pretendon se ligji i ri i lejon njerëzit të punojnë më shumë orë shtesë dhe kjo është në interesin e tyre. Por sindikatat nuk ndajnë këtë mendim dhe po protestojnë me njerëzit në rrugë. Kryeministri hungarez, Viktor Orban, u tha mediave pas votimit të mërkurën se ligji është i mirë dhe i rëndësishëm.

Në një intervistë me Euronews, zëdhënësi i qeverisë Zoltan Kovacs akuzoi mediat perëndimore për  mënyrën se si e kanë paraqitur protestën e hungarezëve.

Ai tha se demonstratat ishin organizuar nga një “opozitë e dobët” dhe hodhi poshtë pretendimet se kërkesat e protestuesve janë të drejta. (TemA TV)

Analiza e BBC: Humori, si një armë propagande e Moskës

12:19 Bota

Senati amerikan miraton një reformë madhore në drejtësi

10:25 Bota

Parlamenti me shumicë femrash

09:24 Bota

Mbyllet "Fondacioni Trump", është përdorur për përfitime private dhe politike

20:49 Bota

SHBA mohon pretendimin e Turqisë për Gylenin

20:38 Bota

Protesta në Hungari, Shqipëri, Serbi e Gjermani: Ku po shkon Europa?

18:38 Bota

Papa Françesku: E papranueshme për politikanët të fajësojnë migrantët për çdo të keqe

16:13 Bota

ANALIZA: Trumpi do largohet një ditë nga Shtëpia e Bardhë, por asgjë s’do jetë si më parë

14:58 Bota

Japonia me aeroplanmbajtëse për herë të parë që prej Luftës së dytë Botërore

14:09 Bota

Trump kërkon krijimin e një komandoje hapësinore

12:58 Bota