Te fundit
Lulishte dhe kënd lojërash tek aneksi i stadiumit “Arena Kombëtare”, Veliaj: Dhuratë për Vitin e Ri
29 Dhjetor 2018, 13:17Sociale
TEMA
Teksa stadiumi “Arena Kombëtare” po merr formë përfundimtare, Bashkia e Tiranës ka nisur punën për rehabilitimin e zonës përreth. Për shumë kohë, hapësira mbrapa stadiumit ka shërbyer si një vend depozitimi mbetjesh, pa asnjë funksion, kurse sot po rigjallërohet si një kënd lodrash dhe mjedis çlodhës.
“Jam shumë i lumtur që shoh një projekt të ri të dy ndërmarrjeve shembullore të Bashkisë së Tiranës, të cilat me forcat dhe mjetet e tyre po kthejnë një hapësirë të degraduar të qytetit, si fusha pas stadiumit “Qemal Stafa”, në një hapësirë fantastike për fëmijët e gjithë familjet e kësaj zone. Sigurisht, bëhet në vigjilje të hapjes së stadiumit në pranverën apo verën e vitit tjetër dhe besoj se shkon me premtimin tonë për të rikuperuar çdo hapësirë publike”, tha Veliaj.
Transformimi do të vijojë edhe me pjesën përballë stadiumit kombëtar, si parkingu nëntokësor dhe hapësira mes impiantit dhe rektoratit, që do të kthehet në një hapësirë pedonale. “Në gjullurdinë e rrumpallën e viteve ‘90 këtu janë kthyer e kompensuar prona, por ama çdo cep që kemi gjetur, që është ende pronë publike, e kemi transformuar. Ky transformim ka të bëjë me pjesën publike të fushës, pas stadiumit “Qemal Stafa”, që do të vazhdojë edhe me pjesën përballë stadiumit; ka të bëjë me parkingun nëntokësor, që po ecën me ritme të jashtëzakonshme, sigurisht edhe me shpronësimin e ndërtesës 5 katëshe që është mes stadiumit dhe rektoratit, që gjithashtu do të largohet për të krijuar një tjetër hapësirë pedonale, si para, si pas stadiumit, kurse stadiumi do të dalë në pah si një “xhevahir” i Tiranës moderne”, nënvizoi Veliaj.
Nisur nga suksesi i këndeve të lodrave në çdo lagje të Tiranës është menduar të lihet një hapësire, e cila në të ardhmen do shërbejë si opsion për të instaluar lodra të ndryshme për fëmijët e qytetit. “Jam shumë entuziast që Viti i Ri do i gjejë fëmijët e kësaj zone me një kënd lodrash, që të mos jetë nevoja të shkojnë deri tek Liqeni për të luajtur. Është si dita me natën me atë që gjetëm, por gjithmonë më e mira është përpara, ndaj nuk besoj se ka dhuratë më të bukur nën pemën e Vitit të Ri, se sa një tjetër kënd lojërash dhe hapësirë çlodhëse për Njësinë 2. Ndaj, i uroj gëzuar festën fëmijëve nga mosha 1 deri në 100 vjeç”, deklaroi Veliaj, teksa siguroi se brenda mandatit tjetër në kryeqytet do të jenë mbi 100 kënde lojërash dhe hapësira çlodhëse.
“Mezi pres që vitin tjetër, siç kemi bërë deri tani 37 kënde lojërash, ta dyfishojmë këtë numër dhe të kemi brenda mandatit tjetër mbi 100 kënde lojërash në Tiranë dhe hapësira rekreative”, u shpreh ai.
Rikualifikimi i kësaj sipërfaqeje i shton Tiranës një tjetër lulishte, e cila do të bëjë të mundur që kjo sipërfaqe e gjelbër të vizitohet nga çdo moshë. Projekti parashikon sistemimin e ambienteve çlodhëse për moshën e tretë, ndërtimin e një shatërvani, shtrimin e rrugicave me pllaka dekorative, vendosja e ndriçimit, spote ndriçues, bordurat konturuese, stolat, koshat, pemë, lule etj.
4 komente në “Lulishte dhe kënd lojërash tek aneksi i stadiumit “Arena Kombëtare”, Veliaj: Dhuratë për Vitin e Ri”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
– O punetor ! O punetor ! Mos kini pare nje deputet te Pd-se ?
– Po si e ka emrin ai deputeti?
– E mo ai qe vjen me kobure ne bres per te prishur kendin e liojnave ?
– Nuk na kujtohet , jo …
– Emo ai tullaci …..
– Uuuuuu ! na ,mor na ! E ka fjalen me duket per ate Strazimirin. Emo ai qe vajti tek kendi i lojnave prane kishes katolike per ta prishur ,por i rruajti lesht…….
– Po,po me kujtohet tani….
– Jooooo, joooo nuk ka ardhur . Me duket se i ka humbur koburja ….
– Po erdhi priteni me gjemime ” topash”
O Lali fiku po ajo eshte prone private apo e keni shpronesuar ????
ATY DUHEJ TE BEJE fushe futbolli dhe dy fusha volejbolli sic kane qene perpara,,,,,pse ben lulishte ,,,turp,,turp,,mascara I qelbur,,,hajdut..////Po te doje qytetin ti mor mascara kryebashkiak,,tek ish muzeu I kafsheve tek 21 dhjetori beje nje liqen te vogel dhe lulishte ,,,,por po nderton aty nje pallat,,,,,ti je nje palaco dhe shkatarrues I qytetit te tiranes njesoj si edi rama me pare ne tirane,,,,,shpetim gjika ne vlore,,,,,vangjush dako ne durres,,,po ashtu ne sarande,,,,fier dhe kudo ku ka kryebashkiake socialiste,,,qyteti shkatarrohet dhe betonohet me pallate…..//Kurse ky popull idiot prape ju voton,,//////
Horr mashtrues! Kjo dhurata eshte njesoj si pallati 13 katesh tek hotel dajti??? Plere e ndryre. Harram votat more mashtrues.