Fund tragjik për alpinistët që guxuan kundër “Malit Killer“, do mbeten aty përgjithmonë

Mbaron në mënyrë tragjike aventura e dy alpinistëve anglez dhe italian që kishin guxuar një sipërmarrje të pamundur: të ngjisnin gjatë dimrit malin Nanga Parbat, i quajtur edhe “mali killer”.

Nanga Parbat, që ndodhet në Pakistan, jo vetëm është maja e nëntë më e lartë në botë, por padyshim edhe një nga më të rrezikshmet. Alpinistët më të përgatitur kanë hasur vështirësi të mëdha ose kanë vdekur në tentativën e ngjitjes, që sidomos gjatë stinës dimërore nuk ishte tentuar kurrë më parë.

Tom Ballard, 30 vjeç, dhe Daniele Nardi , 42, kishin eksperiencë të madhe, dhe ky i fundit kishte ngjitur Everestin dhe K2, madje edhe Nanga Parbat gjatë sezonit veror.

Pas disa ditësh kërkime, trupat e të dyve u pikasën me anë të disa teleskopëve në një pjesë të malit në 5900 metra, pothuajse e pamundur për t’u arritur.

Trupat e tyre mund të rrinë aty për shumë vite, ndoshta përgjithmonë, ndërsa efektet personale dhe laptopat brenda çadrës, që ndodhej diku më poshtë, do t’i kthehen familjarëve.

Inglesi Ballard ishte djali i një alpinisteje të vdekur në një ekspeditë në K2, në vitin 1995, kur ai ishte vetëm 6 vjeç. E fejuara e tij në një postim shkruan që “Mali të jep, mali të heq. Zemra ime është e mbytur. Do të gjej sërish, në lumenjtë, në pemët, në malet. Je shkëmbi im më i fortë”.

Kurse italiani Nardi para se të fillonte ekspedita në dhjetor shkruante një letër, që duket një testament për të birin: “Do më pëlqente të kujtohesha si njeriu që ka provuar të bëjë diçka të pabesueshme, dhe nuk u dorëzua kurrë. Po mos të kthehem më, mesazhi për djalin tim është ky: Mos ndalo, mos u dorëzo, përveshi mëngët sepse bota ka nevojë për njerëz të mirë që mund të bëjnë paqen një realitet dhe jo thjesht një ide”.(A2)

SONDAZHI: E padëshirueshmja mund të ndodhë: D djathta ekstreme, dy herë më shumë vende në PE

21:40 Bota

Pheniani mund të jetë duke u bërë gati për hedhje rakete

21:10 Bota

Mbretëria e Bashkuar hedh poshtë koncesionin e Brexit të BE-së si një ofertë ‘zhgënjyese’

20:55 Bota

Largimi i Maduros një përpjekje e gjatë

17:52 Bota

Qytetarët e SHBA së shpejti do kenë nevojë për viza për të udhëtuar drejt BE

16:16 Bota

ANALIZA: Nga Lenini tek Makron, kufijtë e pedagogjisë në politikë

15:42 Bota

Bisedimet private mes Trump dhe Putin mund të jenë çelësi i romancës me Rusinë

15:05 Bota

Hapet tempulli më i vjetër në botë, ndodhet në jug të Turqisë

14:26 Bota

CNN: Korea e Veriut po përgatit lëshim të ri raketash bërthamore

12:45 Bota

SHBA paralajmëron pasoja të rënda për Turqinë

11:39 Bota