“Ngec” treni Tiranë-Durrës

Një vit më parë, drejtori I Politikave të Transportit, në Ministrinë e Infrastrukturës dhe Energjisë, Thimjo Plaku deklaroi në studion e TV SCAN se deri në fund të 2018-ës do të ishte përmbyllur nënshkrimi I kontratës për rehabilitimin e hekurudhës Tiranë-Durrës dhe ndërtimit të linjës së re drejt Rinasit.

Por, kur kanë kaluar 5 muaj nga përfundimi i këtij afati nuk është bërë asnjë hap konkret në këtë drejtim, qoftë me hapjen e garës për kompanitë e interesuara për këtë projekt. Kjo pavarësisht faktit se për këtë vepër infrastrukturore është siguruar edhe financimi i nevojshëm, që kap vlerën totale prej 90 mln eurosh.

Ndërkaq, në kushtet e mungesës së një kontrate vihen në dyshim edhe afatet për përfundimin e veprës, që duhet të ishte dhjetori i 2020-ës.

Ndonëse në korrik të vitit të kaluar zv.ministri i infrastrukturës, Artan Shkreli dha garanci se të paktën rehabilitimi i linjës ekzistuese do të përfundonte në kohë.

Sipas projektit, linja e rehabilituar Tiranë-Durrës do të lejojë një shpejtësi treni të paktën 100 km/h. Ndërkohë që, linja e re që synohet të shtohet, fillon në km e 27-të nga Durrësi dhe përfundon me një terminal pasagjerësh në Aeroportin “Nënë Tereza”. Pavarësisht se nuk është vendosur ende, çmimi i biletës pritet të kushtojë nga 1-1.2 euro.

Zbatimi I këtij projekti do të merrte një rëndësi të veçantë, duke qenë se vetë institucionet kanë deklaruar se linjat e reja do të rrisin efikasitetin dhe sigurinë e transportit hekurudhor të mallrave e të udhëtarëve ndërmjet Tiranës, Durrësit dhe aeroportit të Rinasit dhe, në të njëjtën kohë, do të kontribuojë në zhvillimin ekonomik të zonës ekonomike të rajonit të Durrësit, Tiranës dhe të gjithë vendit.

REPLIKAT/ Gazetarja “provokon” Gjinushin, ai i përgjigjet: Je shumë e eksituar, shko mjekohu

18:05 Sociale

Shqiptarët që kandidojnë për zgjedhjet europiane në Itali dhe Greqi

17:58 Sociale

Rikonstruktohet çerdhja Nr. 17 në kryeqytet, përfitojnë 120 fëmijë

14:39 Sociale

Lame apel qytetarëve: Nesër mund të ikni në protestën e PD-së, por të hënën shkoni regjistroni banesat

14:23 Sociale

Kërkesa e mjekëve: Gabimet dhe neglizhenca jonë të konsiderohen jo vepër penale

12:27 Sociale

FOTOT/ Nga Rexhep Meidani, te Apollon Baçe: Akademikët votojnë kryetarin e ri (me përjashtim të Artan Fugës, që lufton nga Facebook)

11:38 Sociale

Rrugëtim në Qytetin e Rilindjes!

10:24 Sociale

Deputetët i përgjigjen thirrjes së ministres Manastirliu, dhurojnë gjak për fëmijët talasemikë

14:15 Sociale

Veliaj: Qyteti ka nevojë të pastrohet edhe pas 30 qershorit, nuk mund të jetë peng i aventurierëve

12:11 Sociale

Humoristi Julian Deda, letër Ramës në vend të Bashës: Do të zbresim me këmbë në tokë dhe të ulim hundën, deri sa të të largojmë

11:03 Sociale