VIDEO/ Jelekzinjtë pushtojnë panteonin francez: Jemi pa letra, pa fytyrë dhe pa zë, po skllavërohemi

Rreth 700 emigrantë pa dokumente nga shtete të Afrikës Perëndimore kanë protestuar në qendrën e Parisit për më shumë të drejta dhe shtetësinë. Të mbledhur brenda mauzoleut të Panteonit ku prehen figurat më të shquara të vendit, protestuesit “jelekzinj” theksuan se ata po skllavërohen si shekuj më parë.

Qindra emigrantë të paligjshëm pushtuan të premten monumentin parisian të Panteonit për të denoncuar kushtet e jetesës me të cilat ata përballen në Francë.

Duke huazuar nga lëvizja antiqeveritare e “jelekverdhëve”, të vetëquajturit “jelekzinjtë” për shkak të prejardhjes së tyre nga Afrika, kërkuan dhënien e dokumenteve për të jetuar në vend si shtetas normalë.

Emigrantë nga dhjetëra qendra strehimi të Parisit dhe rretheve, si edhe banorë të banesave sociale, bënë thirrje për dialog me kryeministrin francez, Eduard Filip.

Ata thanë se në kryeqytet ka 200 mijë apartamente të lira, ndërsa emigrantët detyrohen të jetojnë poshtë urave apo në qendra emigracioni të cilat duhen mbyllur.

Rreth 600 emigrantë u futën në mauzoleun francez ku prehen figurat më të ndritura të vendit, për t’u shoqëruar jashtë pas disa orë negociatash me policinë.

Protestuesit thanë se bllokimi i Panteonit francez kishte një mesazh specifik, për të denoncuar poshtërimin që atyre po u bëhej sikurse shekuj më parë kur vendi i skllavëronte njerëzit me ngjyrë.

Në mbështetje morale të emigrantëve dolën disa politikanë të majtë, ndërsa kryetarja e partisë ultradjathtiste, Marin Lë Pen, shprehu zemëratën e saj.

“Është e papranueshme kur sheh shtetas të paligjshëm që zaptojnë pa u ndëshkuar qendrën e Republikës tonë. E vetmja e ardhme e emigrantëve në këtë vend është largimi i tyre, ky është ligji,” u shpreh Lë Pen me një mesazh në Twitter.

Jelekzinjtë kanë protestuar edhe më parë kundër shfrytëzimit dhe largimit nga Franca, dhe janë zotuar ta zgjerojnë aksionin deri në përmbushjen e kërkesave.

Aleancë për shpërndarjen e refugjatëve të shpëtuar në Mesdhe

14:11 Bota

ANALIZA: Jeta e padurueshme me një narcizist

13:38 Bota

Rritet tensioni, Britania dërgon anije lufte në Gjirin Persik

11:21 Bota

Shtohet misteri i adoleshentes së zhdukur: Hapen varret në Vatikan

09:50 Bota

ANALIZA: Disfata e Syrizës dhe plani i së majtës greke për të mbajtur pushtetin

09:16 Bota

Apeli konfirmon dënimin me 2 vjet burg për shqiptarin: Përhapi propagandën xhihadiste

09:10 Bota

Pengesat e ndajnë Evropën edhe 30 vjet pas rënies së murit të Berlinit

21:55 Bota

Shpimet në Egje, BE përgatit sanskione për Turqinë

21:11 Bota

Boeing 737 MAX jashtë qarkullimit deri në 3 nëntor

20:45 Bota

ANALIZA: Gara e demokratëve dhe hendeku ekonomik në SHBA

19:34 Bota